ଗୁଗୁଲ୍ ମ୍ୟାପ୍ସର ଏହି ଫିଚର୍ ଆପଣଙ୍କ କାମକୁ କରିବ ସହଜ..

ଭୁବନେଶ୍ବର:ଯଦି ଆପଣଙ୍କୁ କୌଣସି ସ୍ଥାନକୁ ଯିବାକୁ ପଡ଼େ, ରାସ୍ତା ଜାଣି ନାହାଁନ୍ତି କିମ୍ବା ଟ୍ରାଫିକ୍ ଜାମ୍ ଏଡାଇବାକୁ ଚାହାଁନ୍ତି, ତେବେ ପ୍ରଥମେ ଯାହା ମନକୁ ଆସେ ତାହା ହେଉଛି Google Maps। ଏହା କେବଳ ମ୍ୟାପ୍ ଦେଖାଉଥିବା ଏକ ଆପ୍ ନୁହେଁ, ବରଂ ଏଥିରେ ଅନେକ ସାନଦାର ଫିଚର ରହିଛି ଯାହା ଆପଣଙ୍କ ଜୀବନକୁ ସହଜ କରିପାରିବ।

Google Maps ଆପଣଙ୍କ ରାସ୍ତାରେ ଲାଇଭ୍ ଟ୍ରାଫିକ୍ ସ୍ଥିତିର ସୂଚନା ପ୍ରଦାନ କରେ। ସବୁଜ ରଙ୍ଗ ରାସ୍ତା ଖାଲି ଅଛି। କମଳା ରଙ୍ଗର ଅର୍ଥ କମ୍ ଟ୍ରାଫିକ୍ ଅଛି। ଲାଲ ରଙ୍ଗର ଅର୍ଥ ପ୍ରବଳ ଟ୍ରାଫିକ୍ ଅଛି।

ସେହିପରି ଗାଡି ଚଳାଇବା ସମୟରେ ସ୍କ୍ରିନକୁ ଦେଖିବାର କୌଣସି ଆବଶ୍ୟକତା ନାହିଁ। ଗୁଗୁଲ୍ ମ୍ୟାପ୍ ଭଏସ ରେ ରାସ୍ତା କହିଥାଏ। ଏହାକୁ ବ୍ୟବହାର କରିବା ପାଇଁ,ରୁଟ୍ ଚୟନ କରନ୍ତୁ। ଷ୍ଟାର୍ଟ ବିକଳ୍ପ ଉପରେ କ୍ଲିକ୍ କରନ୍ତୁ। ଭଏସ୍ ଦ୍ବାରା ଆଗକୁ ଯିବାର ରାସ୍ତା କହିବ। ଏହି ଫିଚର ଗାଡ଼ି ଚଳାଇବା ସୁରକ୍ଷିତ ଏବଂ ସହଜ କରିଥାଏ।

ପ୍ରତ୍ୟେକ ଥର ଠିକଣା ଟାଇପ୍ କରିବାର ଆବଶ୍ୟକତା ନଥାଏ । ଏହାକୁ ସେଟ୍ କରିବା ପାଇଁ, ସର୍ଚ୍ଚ ବାରରେ Home କିମ୍ବା Work ସର୍ଚ୍ଚ କରନ୍ତୁ। ଠିକଣା ଲେଖନ୍ତୁ ଏବଂ ଏହାକୁ ସେଭ୍ କରନ୍ତୁ। ପରବର୍ତ୍ତୀ ସମୟରେ ଆପଣ ସିଧାସଳଖ Home କିମ୍ବା Work ଟାଇପ୍ କରି ଲୋକେସନ ପାଇବେ।

Nearby Places Search: ଆପଣ ନିକଟରେ କ’ଣ ଅଛି ତାହା ଜାଣିପାରିବେ ଯେପରିକି ATM, ପେଟ୍ରୋଲ ପମ୍ପ, ହୋଟେଲ, ହସ୍ପିଟାଲ ଇତ୍ୟାଦି।

ଯଦି ଆପଣଙ୍କୁ ଏକାଥରେ ଅନେକ ସ୍ଥାନକୁ ଯିବାର ଅଛି, ତେବେ ଆପଣ ସେଗୁଡ଼ିକୁ ଗୋଟିଏ ରୁଟ୍ ରେ ଯୋଡି ପାରିବେ। ଏଥିପାଇଁ ଦିଗ ଚୟନ କରିବେ । ବିନ୍ଦୁଗୁଡ଼ିକ ଉପରେ ଟ୍ୟାପ୍ କରନ୍ତୁ ଏବଂ “ଆଡ୍ ଷ୍ଟପ୍” ଉପରେ କ୍ଲିକ୍ କରନ୍ତୁ।