ଭୁବନେଶ୍ଵର: ମାଛି ଦେଖିବା କ୍ଷଣି ସମସ୍ତେ ତାକୁ ଘଉଡାଇ ଦିଅନ୍ତି । ସେମାନଙ୍କର ଶବ୍ଦ ଏବଂ ଅପରିଷ୍କାରତା କାରଣରୁ ସମସ୍ତେ ମାଛିକୁ ଘୃଣା କରନ୍ତି । ସବୁଠାରୁ ଅଧିକ ରାଗ ସେତେବେଳେ ଲାଗେ ଯେତେବେଳେ ଆମେ ଖାଉଥିବା କୌଣସି ଖାଦ୍ୟ ଉପରେ କେଉଁଠାରୁ ଏକ ମାଛି ଉଡି ଆସି ବସି ସେହି ଖାଦ୍ୟକୁ ଦୂଷିତ କରିଥାଏ । ତେବେ ଆସନ୍ତୁ ଜାଣିବା ମାଛି ତାର କେଉଁ ଅଙ୍ଗରେ ଖାଦ୍ୟକୁ ଦୁଷିତ କରେ ।
ତେବେ ଆପଣ ଦେଖିଥିବେ ଯେ ମାଛି ଯେଉଁ ଖାଦ୍ୟ ଉପରେ ବସେ ସେଠାରେ ସେ ତାର ଗୋଡକୁ କ୍ରମାଗତ ଭାବରେ ରଗଡି ଥାଆନ୍ତି । ବାସ୍ତବରେ, ମାଛିଙ୍କ ଶରୀରରେ ବହୁତ ସୂକ୍ଷ୍ମ ରୁମ ରହିଥାଏ । ଏବଂ ତାଙ୍କ ଜିଭରେ ଏକ ଚିକିଟା ପଦାର୍ଥର ସ୍ତର ରହିଥାଏ । ନିଜକୁ ସଫା କରିବା ପାଇଁ ମାଛି ନିଜର ଗୋଡକୁ ଗୋଟିଏ ଯାଗାରେ ଘଷିଥାଏ | ଏହିପରି, ସେମାନେ ଆମ ଖାଦ୍ୟରେ ସେମାନଙ୍କ ରୁମରେ ଲାଗିଥିବା ମଇଳା ଛାଡିଦିଅନ୍ତି | ଏହି ମଇଳାରେରେ ଜୀବାଣୁ ଥାଏ, ଯାହା ଆମକୁ ଅସୁସ୍ଥ କରିଥାଏ ।
ମାଛି ସାଧାରଣତଃ ବିଭିନ୍ନ ପ୍ରକାରର ଦେଖାଯାଇଥାନ୍ତି । ସେଥିରୁ କଳା ଏବଂ ଛୋଟ ଛୋଟ ଦେଖାଯାଉଥିବା ମାଛିର ବୈଜ୍ଞାନିକ ନାମ ହେଉଛି ମସ୍କା ଡୋମେଷ୍ଟିକା | ଏହି ମାଛିମାନଙ୍କର ଆୟୁ ମାତ୍ର କିଛି ସପ୍ତାହ ଅଟେ | ଏପରି ପରିସ୍ଥିତିରେ, ଏଗୁଡ଼ିକଙ୍କ ଉପରେ ଗବେଷଣା ଅତି ସହଜରେ କରାଯାଇପାରେ । ଏବଂ କିଛି ସପ୍ତାହ ମଧ୍ୟରେ, ସେମାନଙ୍କର ତୁତୀୟରୁ ଚତୁର୍ଥ ପିଢି ଉପରେ ଗବେଷଣା କରାଯାଏ |
ସୂଚନା ଅନୁଯାୟୀ, ସେମାନଙ୍କର ଲମ୍ବ ପ୍ରାୟ ୭ ମିମି | ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ମାଛିମାନେ ସେମାନଙ୍କ ପାଟିରେ କେବେ ବି କାମୁଡି ପାରନ୍ତି ନାହିଁ । ଏହି ମାଛିମାନଙ୍କର ଦାନ୍ତ ନ ଥିବାରୁ ସେମାନଙ୍କର ଖାଇବା ପଦ୍ଧତି ମଧ୍ୟ ଅଲଗା ଅଟେ | ଏହି ମାଛିର ପାଟି ସ୍ପଞ୍ଜ ପରି କାମ କରେ, ଯାହା ଖାଦ୍ୟ ଗ୍ରହଣ କରିଥାଏ | ସେମାନଙ୍କର ଷ୍ଟ୍ର ପରି ଜିଭ ହେତୁ ସେମାନେ ତରଳ ପଦାର୍ଥ ଖାଇଥାନ୍ତି | ସେମାନେ ଅନ୍ୟ କୀଟପତଙ୍ଗର ତରଳ ଅଂଶକୁ ମଧ୍ୟ ଶୋଷନ୍ତି | ଅଧିକାଂଶ ଜୀବାଣୁ ସେମାନଙ୍କ ଲାଳରେ ଦେଖାଯାଏ | ମାଛିମାନେ ଖାଦ୍ୟ ଉପରେ ବସିଲେ, ସେମାନେ ଏହି ଜୀବାଣୁକୁ ଖାଦ୍ୟ ଉପରେ ଛାଡି ଦୂଷିତ କରନ୍ତି |