ନୂଆଦିଲ୍ଲୀ: ଚାଇନାର ଭିଡିଓ ଆପ୍ ଟିକ୍-ଟକ୍ ଲକଡାଉନ୍ ସମୟରେ ଏକ ନୂଆ ରେକର୍ଡ ସୃଷ୍ଟି କରିଛି। ଗୁଗୁଲ୍ ପ୍ଲେ ଷ୍ଟୋରରେ ଟିକ୍ ଟକ୍ ଆପ୍ ୧୦୦ କୋଟି ଥର ଡାଉନଲୋଡ୍ ହୋଇଛି। ବର୍ତ୍ତମାନ ଏହି ଆପ୍ସ ଗୁଗୁଲ୍ ପ୍ଲେ ଷ୍ଟୋରରେ ସର୍ବାଧିକ ଡାଉନଲୋଡ୍ ହୋଇଥିବା ମୋବାଇଲ୍ ଆପ୍ସ ମାନ୍ୟତା ପାଇଛି |
ତେବେ ଗୁଗୁଲ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ଘୋଷଣା କରିନାହିଁ। ଏଥି ସହିତ, ଟିକ୍-ଟକ୍ ର ୟୁଜର୍ ବେସ୍ ବୃଦ୍ଧି ପାଇଛି | ଆହୁରି ମଧ୍ୟ, ଏହି ମୋବାଇଲ୍ ଆପ୍ସ ଭାରତରେ ସର୍ବାଧିକ ବାରମ୍ବାର ଡାଉନଲୋଡ୍ ହୋଇଥିବା ଆପ୍ସ ହୋଇପାରିଛି |
ଲକଡାଉନ୍ ସମୟରେ ଟିକ୍-ଟକ୍ ବ୍ୟବହାରକାରୀଙ୍କ ସଂଖ୍ୟା ବୃଦ୍ଧି ପାଇଛି:
ଗଣମାଧ୍ୟମର ରିପୋର୍ଟ ଅନୁଯାୟୀ, ଲକ ଡାଉନ ଥିବାରୁ ଲୋକମାନେ ସେମାନଙ୍କ ଘରେ ଅଛନ୍ତି। ଏଭଳି ପରିସ୍ଥିତିରେ ଟିକ୍-ଟକ୍ ଆପ୍ସ ବ୍ୟବହାରକାରୀଙ୍କ ସଂଖ୍ୟା ପୂର୍ବ ଅପେକ୍ଷା ଦ୍ରୁତ ଗତିରେ ବୃଦ୍ଧି ପାଇଛି। ଏହା ବ୍ୟତୀତ ଫେସବୁକ୍ ଏବଂ ହ୍ଵାଟ୍ସଆପ୍ ଭଳି ସୋସିଆଲ୍ ମିଡିଆ ଆପ୍ସର ୟୁଜର୍ ବେସ୍ ମଧ୍ୟ ବୃଦ୍ଧି ପାଇଛି।
ଭାରତରେ ଟିକ୍-ଟକ୍ ଆପ୍ ପସନ୍ଦ:
ଟିକ୍ ଟକ୍ ଆପ୍ ଭାରତରେ ଅଧିକ ପସନ୍ଦ | ଲୋକମାନେ ଏହି ଆପ୍ସ ମାଧ୍ୟମରେ ଛୋଟ ଭିଡିଓ ପ୍ରସ୍ତୁତ କରନ୍ତି ଏବଂ ପରସ୍ପର ସହିତ ଅଂଶୀଦାର କରନ୍ତି | ଏଥିରେ ମଜାଳିଆ, ଲିପ୍ ସିଙ୍କ ଏବଂ ମ୍ୟୁଜିକ୍ ଭିଡିଓ ମଧ୍ୟ ଅନ୍ତର୍ଭୁକ୍ତ | ସିନେ କଳାକାର ଠାରୁ ଆରମ୍ଭ କରି ଯାତ୍ରା କଳାକାର ମଧ୍ୟ ଏଥିରେ ସାମିଲ ହେବା ଦେଖାଯାଉଛି |
ଭି ମେଟର ୟୁଜର୍ ବେସ୍ ବୃଦ୍ଧି:
ଟିକ୍-ଟକ୍ ବ୍ୟତୀତ ଭି-ମେଟ୍ ଭିଡିଓ ଆପ୍ସ ର ୟୁଜର୍ ବେସ୍ ମଧ୍ୟ ବୃଦ୍ଧି ପାଇଛି | ଏଥିସହ ଫେସବୁକ୍ ଏବଂ ଇନଷ୍ଟାଗ୍ରାମର ବ୍ୟବହାରରେ ୪୦% ବୃଦ୍ଧି ଘଟିଛି। ଏହି ସମସ୍ତ ମୋବାଇଲ୍ ଆପ୍ ବ୍ୟବହାର କରୁଥିବା ଉପଭୋକ୍ତାଙ୍କର ବୟସ ୧୮ ରୁ ୩୪ ବର୍ଷ ମଧ୍ୟରେ ଅଟେ |