ଭୁବନେଶ୍ୱର: ଦମକଳ ବାହିନୀର କମଚାରୀଙ୍କ ସମୋୟଚିତ ପଦକ୍ଷେପ ଯୋଗୁଁ ଶନିବାର ଦିନ ଏକ ବଡ଼ ଧରଣର ଅଗ୍ନିକାଣ୍ଡ ଆଶଙ୍କାକୁ ରୋକି ପାରିଛନ୍ତି । ରାଜଧାନୀରେ ଏକ ପେଟ୍ରୋଲ ପମ୍ପ ନିକଟରେ ରହିଥିବା ୨ଟି ବସରେ କୌଣସି କାରଣରୁ ନିଆଁ ଲାଗିଯିବାରୁ ସେହି ଅଞ୍ଚଳରେ ଆତଙ୍କ ଖେଳିଯାଇଥିଲା । ତେବେ ଅଗ୍ନିଶମ ବିଭାଗର କର୍ମଚାରୀମାନେ ତୁରନ୍ତ ଅଗ୍ନିକାଣ୍ଡକୁ ଆୟ କରିବାରେ ସକ୍ଷମ ହୋଇଥିଲେ ।
ମିଳିଥିବା ସୂଚନାନୁଯାୟୀ, ଖଣ୍ଡଗିରି ଛକ ନିକଟ ଏକ ପେଟ୍ରୋଲ ପମ୍ପ ନିକଟରେ ୨ଟି ପଡ଼ିରହିଥିବା ବସରେ ହଠାତ୍ ନିଆଁ ଲାଗି ବସ ଦୁଇଟି ଜଳିବାରେ ଲାଗିଥିଲା । ପେଟ୍ରୋଲ ପମ୍ପର କର୍ମଚାରୀମାନେ ସଙ୍ଗେସଙ୍ଗେ ଦମକଳ ବାହିନୀକୁ ଫୋନ କରି ଜଣାଇବାରୁ ଅଗ୍ନିଶମ ବିଭାଗ ବିଭାଗ ଆସି ନିଆଁକୁ ଅଧଘଣ୍ଟା ମଧ୍ୟରେ ଆୟତ୍ତ କରିଥିଲେ । ନିକଟରେ ଏକ ପେଟ୍ରୋଲ ପମ୍ପ ରହିଥିବାରୁ ଏକ ବଡ଼ ଧରଣର ଅଗ୍ନିକାଣ୍ଡକୁ ଦମକଳ ବାହିନୀ କର୍ମଚାରୀ ଅଟକାଇ ଦେଇପାରିଛନ୍ତି ।
ଏହି ଘଟଣାଟି ସକାଳ ୬ଟା ସମୟରେ ଘଟିଥିବାର ସୂଚନା ମିଳିଛି ।
କେଉଁ କାରଣରୁ ଏହି ଅଗ୍ନିକାଣ୍ଡ ଘଟିଲା ତାହାର ତଦନ୍ତ ଜାରି ରହିଛି ।