ଇରାନର ତୈଳ ଟ୍ୟାଙ୍କର୍ ଉଡ଼ାଇଲା ଆମେରିକା

ନୂଆଦିଲ୍ଲୀ: ଆମେରିକା ଏବଂ ଇରାନ ମଧ୍ୟରେ ଯୁଦ୍ଧ ଜାରି ରହିଛି। ଏହାରି ମଧ୍ୟରେ ପାରସ୍ୟ ଉପସାଗରର ଖାର୍ଗ ଦ୍ୱୀପ ନିକଟରେ ଆମେରିକା ଅନେକ ଇରାନୀ ତୈଳ ଟ୍ୟାଙ୍କର୍ ଉପରେ ଆକ୍ରମଣ କରିଛି।

ଆମେରିକା କେନ୍ଦ୍ରୀୟ କମାଣ୍ଡ (ସେଣ୍ଟକମ୍) ମଧ୍ୟ ସେପ୍ଟେମ୍ବର ୮ ତାରିଖରେ ଇରାନୀ ଅଶୋଧିତ ତୈଳ ଜାହାଜ ଧ୍ୱଂସର ସାଟେଲାଇଟ୍ ଭିଡିଓ ଜାରି କରିଥିଲା। ଆମେରିକୀୟ ଯୁଦ୍ଧଜାହାଜ ଉପରେ ଆକ୍ରମଣ ପରେ ଆମେରିକୀୟ ସେନା ଇରାନୀ ତୈଳ ଟ୍ୟାଙ୍କର୍ ଗୁଡ଼ିକୁ ଟାର୍ଗେଟ କରିଥିବା କୁହାଯାଉଛି।

ଆମେରିକା କେନ୍ଦ୍ରୀୟ କମାଣ୍ଡ ରିପୋର୍ଟ କରିଛି ଯେ ଆମେରିକୀୟ ସେନା ଓମାନ ଉପସାଗରରେ ଇରାନୀ ଅଶୋଧିତ ତୈଳ ଜାହାଜ M/T Kaviz, M/T Charminar, M/T Horizon 1, ଏବଂ M/T Risko ଏବଂ ଖାର୍ଗ ଦ୍ୱୀପ ନିକଟରେ M/T Deryaକୁ ନଷ୍ଟ କରିଦେଇଛି।

ସେଣ୍ଟକମ୍ ଅନୁଯାୟୀ, ଆମେରିକୀୟ ସେନା ଜାହାଜ ଉପରେ ଆକ୍ରମଣ କରିବା ପୂର୍ବରୁ ଜାହାଜ ଛାଡିବାକୁ କ୍ରୁମାନଙ୍କୁ ନିର୍ଦ୍ଦେଶ ଦେଇଥିଲା। ଯାହା ଟ୍ୟାଙ୍କର୍ ଗୁଡ଼ିକୁ ଅକାମୀ କରିଦେଇଥିଲା।ଆମେରିକୀୟ ସେନା ଦାବି କରିଛି ଯେ ଇରାନ IRGC ଏବଂ ଏହାର ଆଞ୍ଚଳିକ ପ୍ରକ୍ସି ଗୋଷ୍ଠୀଗୁଡ଼ିକୁ ପାଣ୍ଠି ଯୋଗାଇବା ପାଇଁ ଏକ ବିଲିୟନ ଡଲାରର ଛାୟା ନେଟୱାର୍କର ଅଂଶ ଭାବରେ ଏହି ଟ୍ୟାଙ୍କର୍ ବ୍ୟବହାର କରିଥିଲା।

ଅପରପକ୍ଷରେ ସେଣ୍ଟକମ୍ ସେପ୍ଟେମ୍ବର ୫ ତାରିଖରେ ତିନୋଟି ଇରାନୀ ଅଶୋଧିତ ତୈଳ ଜାହାଜକୁ ମଧ୍ୟ ଧ୍ୱଂସ କରିଥିଲା।ଇରାନ ଏକ ଆମେରିକୀୟ ବିମାନ ବାହକ ଏବଂ ଏକ ଗାଇଡେଡ୍-କ୍ଷେପଣାସ୍ତ୍ର ବିଧ୍ୱଂସକ ଉପରେ ଆକ୍ରମଣ କରିବାକୁ ଚେଷ୍ଟା କରିବା ପରେ ଏହି ଆକ୍ରମଣ କରାଯାଇଥିଲା।