ନୂଆଦିଲ୍ଲୀ: କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ଶୁକ୍ରବାର ଦିନ ଯୋଗୀ ଆଦିତ୍ୟନାଥ ସରକାରଙ୍କ ଉତ୍ତରପ୍ରଦେଶରେ ମହିଳାଙ୍କ ସୁରକ୍ଷାକୁ ନେଇ ପ୍ରଶ୍ନ ଉଠାଇଛନ୍ତି ।
ଗତ ସପ୍ତାହରେ ମହିଳାଙ୍କ ପ୍ରତି ୧୩ଟି ଭୟଙ୍କର ଘଟଣା ଘଟିଥିବା ଅଭିଯୋଗ ହୋଇଛି।
ଅକ୍ଟୋବର ୯ ରୁ ୧୫ ପର୍ଯ୍ୟନ୍ତ ଉତ୍ତରପ୍ରଦେଶରେ ମହିଳାଙ୍କ ପ୍ରତି ହେଉଥିବା ବିଭିନ୍ନ ଘଟଣାର ଏକ ଚାର୍ଟକୁ ସେ ଆଲୋକିତ କରି ଅଭିଯୋଗ କରିଛନ୍ତି ଯେ ଅପରାଧୀଙ୍କୁ ବିଜେପି ସୁରକ୍ଷା ଦେଉଛି ଏବଂ ଏହି ରାଜ୍ୟରେ ମହିଳାମାନେ ଅସୁରକ୍ଷିତ ।
ସେ ହିନ୍ଦୀରେ ଏକ ଟୁଇଟ୍ରେ କହିଛନ୍ତି,
“ଗତ ଏକ ସପ୍ତାହ ମଧ୍ୟରେ ୟୁପିରେ ମହିଳାଙ୍କ ପ୍ରତି ୧୩ଟି ଭୟଙ୍କର ଅପରାଧ ଘଟିଛି। ରିପୋର୍ଟ ଅନୁଯାୟୀ, ଏଥିରେ ଚାରିଟି ଘଟଣାରେ ପୀଡିତଙ୍କ ମୃତ୍ୟୁ ଘଟିଛି କିମ୍ବା ପୀଡିତମାନେ ଆତ୍ମହତ୍ୟା କରିଛନ୍ତି।” ମହିଳା ନିରାପତ୍ତାର ଏହି ଖରାପ ଅବସ୍ଥା ବ୍ୟାକୁଳ କରୁଛି। ମୁଖ୍ୟମନ୍ତ୍ରୀଙ୍କ ନିକଟରେ ‘ସ୍ବତନ୍ତ୍ର ଅଧିବେଶନ’ ଡାକିବାକୁ ସମୟ ନାହିଁ କିନ୍ତୁ ତାଙ୍କର ଫଟୋସୁଟ ଚାଲିଛି ବୋଲି ସେ କହିଛନ୍ତି।”
यूपी में पिछले एक हफ्ते में महिलाओं के खिलाफ अपराध की 13 भयावह घटनाएं घटी। खबरों के अनुसार 4 घटनाओं में पीड़िता की हत्या कर दी गई या पीड़िताओं ने आत्महत्या कर ली।
महिला सुरक्षा की ये दुर्गति विचलित करती है। सीएम साहब को इसपर ‘स्पेशल सेशन’ करने का समय नहीं, हाँ फोटोसेशन चालू है। pic.twitter.com/FDW9NppDmI
— Priyanka Gandhi Vadra (@priyankagandhi) October 16, 2020
ସେ ପୂର୍ବରୁ ଆଇନ ଶୃଙ୍ଖଳା ପରିସ୍ଥିତି ଉପରେ ସରକାରଙ୍କୁ ଆକ୍ରମଣ କରିଛନ୍ତି।
ଦଳର ଉତ୍ତରପ୍ରଦେଶ ବ୍ୟାପାର ଦାୟିତ୍ୱରେ ଥିବା କଂଗ୍ରେସ ସାଧାରଣ ସମ୍ପାଦକ ହାଥ୍ରାସ ବଳାତ୍କାର ଓ ହତ୍ୟା ମାମଲା ରୁଜୁ ହେବା ଦିନଠାରୁ ସରକାରଙ୍କ ଉପରେ ଏକ ବଡ ଆକ୍ରମଣ ଆରମ୍ଭ କରିଛନ୍ତି।