ନୂଆଦିଲ୍ଲୀ: ସଂପୂର୍ଣ୍ଣ ଟିକାକରଣ ହୋଇଥିବା ୬୩ ବର୍ଷ ବୟସ୍କା ମହିଳା କରୋନା ଡେଲଟା ପ୍ଲସ୍ ରେ ସଂକ୍ରମିତ ମୃତ୍ୟୁବରଣ କରିଥିବା ଖବର ଆସିବା ପରେ ଅନୁସନ୍ଧାନକାରୀମାନେ ଏହି ଭୂତାଣୁ ଅନ୍ୟମାନଙ୍କୁ ଅତି ସହଜରେ ବ୍ୟାପୁଥିବା ନେଇ ଉଦ୍ବେଗ ପ୍ରକାଶ କରିଛନ୍ତି। ତେବେ ଟିକା ନେଇଥିବା ଲୋକ ବି ଅତି ସହଜରେ ଡେଲ୍ଟା ପ୍ରଜାତି ଦ୍ବାରା ସଂକ୍ରମିତ ହୋଇ ଅନ୍ୟକୁ ସଂକ୍ରମିତ କରିପାରନ୍ତି।
ରିପୋର୍ଟରେ ଦର୍ଶାଯାଇଛି ଯେ ଡେଲଟା ଭାରିଆଣ୍ଟ, ଯାହା କରୋନା ଦ୍ବିତୀୟ ତରଙ୍ଗ ଭାରତକୁ ଆଣିଥିଲା ଏହା ଅନ୍ୟ ପ୍ରକାର ଅପେକ୍ଷା ଟିକାକୃତ ଲୋକମାନଙ୍କ ମାଧ୍ୟମରେ ବ୍ୟାପିବାର ସମ୍ଭାବନା ଅଧିକ ରହିଛି।
ଆମେରିକା ଏବଂ ବ୍ରିଟେନର ରିପୋର୍ଟ ଅନୁଯାୟୀ SARS CoV-2 ର ଡେଲଟା ଭାରିଆଣ୍ଟରେ ସଂକ୍ରମିତ ଲୋକମାନେ ଅଣ-ଟିକାକୃତ ଲୋକଙ୍କ ପରି ସଂକ୍ରମିତ କରିପାରନ୍ତି।
ନୂତନ ତଥ୍ୟ ଅନୁଯାୟୀ ଟିକାକରଣକାରୀ ଗୋଷ୍ଠୀ ମଧ୍ୟରେ ସଂକ୍ରମଣକୁ ହ୍ରାସ କରିବା ପାଇଁ ଘର ଭିତରେ ମାସ୍କ ପିନ୍ଧିବା ସହିତ ପ୍ରତିରକ୍ଷା ପଦକ୍ଷେପଗୁଡ଼ିକର ଗୁରୁତ୍ୱ ଉପରେ ଗୁରୁତ୍ୱାରୋପ କରିଛନ୍ତି।