କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନର ଚତୁର୍ଥ ମତଦାନ ସକାଳ ୭ଟାରୁ ଚାଲିଛି । ୫ ଜିଲ୍ଲାର ୪୪ଟି ଆସନ ପାଇଁ ହେଉଛି ଭୋଟ୍ ଗ୍ରହଣ । ମୈଦାନରେ ୩୭୩ ଜଣ ପ୍ରାର୍ଥୀ ନିଜ ନିଜ ଭାଗ୍ୟ ପରୀକ୍ଷା କରୁଛନ୍ତି । ଚତୁର୍ଥ ପର୍ଯ୍ୟାୟରେ ହାଇପ୍ରୋଫାଇଲ୍ ମୁକାବିଲାରେ ବିଜେପିର ୨ ସାଂସଦ, ବିଧାୟକ ହେବା ପାଇଁ ନିର୍ବାଚନ ଲଢ଼ୁଛନ୍ତି । କେନ୍ଦ୍ରୀ ମନ୍ତ୍ରୀ ବାବୁଲ୍ ସୁପ୍ରିୟୋଙ୍କ ଠାରୁ ନେଇ ପଶ୍ଚିମବଙ୍ଗର ମନ୍ତ୍ରୀ ପାର୍ଥ ଚାଟାର୍ଜୀ ଓ ଅରୂପ ବିଶ୍ୱାସଙ୍କ ସହ ବିଜେପି ଓ ଟିଏମସିର ବରିଷ୍ଠ ନେତାଙ୍କ ରାଜନୀତିକ ଭାଗ୍ୟ ନିର୍ଦ୍ଧାରଣ କରୁଛନ୍ତି ଜନତା ।
The biggest challenge is to remove Mamata Didi and TMC from West Bengal. Aroop Biswas (TMC candidate from the constituency) has been the right hand of all her works. So is a challenge to change the atmosphere of terror here: BJP candidate from Tollygunge, Kolkata Babul Supriyo pic.twitter.com/DiAiuzUfYj
— ANI (@ANI) April 10, 2021
ଚତୁର୍ଥ ପର୍ଯ୍ୟାୟରେ ପଶ୍ଚିମବଙ୍ଗର ୫ ଜିଲ୍ଲାର ୪୪ଟି ଆସନରେ ଭୋଟ୍ ଗ୍ରହଣ ଚାଲିଛି । ହାୱଡ଼ା ଜିଲ୍ଲାର ୯ଟି ଆସନ, ଦକ୍ଷିଣ ୨୪ ପ୍ରଗଣାର ୧୧ ଆସନ, ହୁଗଳି ଜିଲ୍ଲାର ୧୦ ଆସନ, ଅଲିପୁରଦ୍ୱାର ଜିଲ୍ଲାର ୫ଟି ଆସନ ଓ କୁଚ୍ ବିହାର ଜିଲ୍ଲାର ସମସ୍ତ ୯ଟି ଆସନରେ ଚାଲିଛି ମତଦାନ । ଏହି ପର୍ଯ୍ୟାୟରେ ୨୮ ପ୍ରତିଶତ ଅନୁସୂଚିତ ଜାତି ଓ ଜନଜାତିଙ୍କର ଭୋଟର ଥିବାବେଳେ ୨୦ ପ୍ରତିଶତ ମୁସଲିମ୍ ଓ ୨୦ ପ୍ରତିଶତ ରାଜବଂଶୀ ସମୁଦାୟ ଭୋଟର ଅଛନ୍ତି ।