ଓଡ଼ିଶା ସମ୍ବାଦ ବ୍ୟୁରୋ: ବଙ୍ଗଳା ଚଳଚ୍ଚିତ୍ର ଅଭିନେତ୍ରୀ ସୋନାଲି ଚକ୍ରବର୍ତ୍ତୀଙ୍କର ଦେହାନ୍ତ ହୋଇଛି। ସୋନାଲି ଚକ୍ରବର୍ତ୍ତୀ ସୋମବାର ଦକ୍ଷିଣ କୋଲକାତାର ଏକ ଘରୋଇ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କର ବୟସ ୫୯ ବର୍ଷ ଥିଲା। ଡାକ୍ତରଖାନା ସୂତ୍ର ଅନୁଯାୟୀ, ସେ ଲିଭର କ୍ୟାନସରରେ ପୀଡିତ ଥିଲେ। ଡାକ୍ତରଖାନାରୁ ଜାରି ଏକ ବିବୃତ୍ତିରେ କୁହାଯାଇଛି ଯେ କର୍କଟ ଜନିତ ସମସ୍ୟା ହେତୁ ତାଙ୍କର ଦେହାନ୍ତ ହୋଇଛି। ତାଙ୍କର ଅନ୍ୟ ଏକ ପରିଚୟ ହେଉଛି ସେ ଅଭିନେତା ଶଙ୍କର ଚକ୍ରବର୍ତ୍ତୀଙ୍କ ପତ୍ନୀ। ସୋନାଲିଙ୍କ ଅକାଳ ବିୟୋଗରେ ଟଲିଉଡ ଶୋକ ପ୍ରକାଶ କରିଛି। ତାଙ୍କର ଶେଷ ରୀତିନୀତି କେୱଡାତଲା ସ୍ମଶାନରେ କରାଗଲା। ତାଙ୍କ ମୃତ୍ୟୁ ଖବର ପାଇ ପଶ୍ଚିମବଙ୍ଗ ମମତା ବାନାର୍ଜୀ ଶୋକ ପ୍ରକାଶ କରିଛନ୍ତି।
ଅନ୍ତିମ ସଂସ୍କାର ସମୟରେ କୋଲକାତା ମେୟର ଫିରହାଦ୍ ହାକିମ ଶବଦାହ ସ୍ଥଳରେ ଉପସ୍ଥିତ ହୋଇଥିଲେ। ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ତରଫରୁ ଫୁଲ ଅର୍ପଣ କରାଯାଇଥିଲା। ବଙ୍ଗଳା ମନୋରଞ୍ଜନ ଜଗତର ଅନେକ ଲୋକ ସେଠାରେ ଉପସ୍ଥିତ ଥିଲେ। ଲୀନା ଗଙ୍ଗୋପାଧ୍ୟାୟ, ଶୈବାଲ ବାନାର୍ଜୀ, ଚନ୍ଦନ ସେନ୍, ଦିଙ୍ଗନ୍ତ ବାଗଚି, ସୋହନ ବାନାର୍ଜୀ, ସୋମିତ୍ର ମିତ୍ର, ରାଣା ମିତ୍ର, ଜ୍ୟୋତିଷ ଚାଟାର୍ଜୀଙ୍କ ଭଳି ଅନେକ କଳାକାର ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ତାଙ୍କର ଜଣେ ଘନିଷ୍ଠ ବନ୍ଧୁ କହିଥିଲେ ଯେ ସୋନାଲି ଚକ୍ରବର୍ତ୍ତୀ ଦୀର୍ଘ ଦିନ ଧରି ବିଭିନ୍ନ ଶାରୀରିକ ରୋଗରେ ପୀଡିତ ଥିଲେ। ତାଙ୍କ ଶରୀର ଆଦୌ ଭଲ ନଥିଲା। ତାଙ୍କୁ ଅନେକ ସମୟରେ ଡାକ୍ତରଖାନାରେ ଭର୍ତ୍ତି କରାଯାଉଥିଲା। ଗତ ଅଗଷ୍ଟରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେତେବେଳେ ତାଙ୍କ ପେଟରେ ପାଣି ଜମା ହୋଇଯାଇଥିଲା। ସୋନାଲି ସେହିସମୟରେ ଅସୁସ୍ଥ ଥିଲେ, କିନ୍ତୁ ସଂପୂର୍ଣ୍ଣ କାମ କରିବା ବନ୍ଦ କରିନଥିଲେ। ସେ ସିରିୟଲ୍ ‘ଗନ୍ତଚାରା’ରେ ଶୋଲାଙ୍କିଙ୍କ ଜେଠିମା ଭାବରେ ମଧ୍ୟ ନଜର ଆସିଛନ୍ତି। ଅସୁସ୍ଥତା ସତ୍ତ୍ୱେ ସୋନାଲି କାମ କରୁଥିଲେ। ଏଥର ସେ କାଳୀ ପୂଜାରେ ମଧ୍ୟ ଉପସ୍ଥିତ ଥିଲେ।
ପତ୍ନୀ ହରାଇବା ପରେ ଶଙ୍କର ଚକ୍ରବର୍ତ୍ତୀ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଶଙ୍କର ତାଙ୍କ ପତ୍ନୀ ସୋନାଲିଙ୍କ ଫଟୋ ଫେସବୁକରେ ପୋଷ୍ଟ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ତାଙ୍କ ଝିଅ ସାଜି ମୁମ୍ବାଇରେ ରୁହନ୍ତି। ମା’ଙ୍କ ଅସୁସ୍ଥତା ହେତୁ ସେ କୋଲକାତା ଆସିଛନ୍ତି। ଅଭିନେତ୍ରୀ ସୁଦୀପ୍ତ ଚକ୍ରବର୍ତ୍ତୀ ସୋନାଲିଙ୍କ ମୃତ୍ୟୁକୁ ସମବେଦନା ଜଣାଇଛନ୍ତି। ରାଜ୍ୟ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ସମବେଦନା ଜଣାଇଛନ୍ତି। ଚଳଚ୍ଚିତ୍ର ବ୍ୟତୀତ ସେ ଜନନୀ, ଗନ୍ତଚର ଇତ୍ୟାଦି ଲୋକପ୍ରିୟ ଟିଭି ସିରିଏଲରେ ଅଭିନୟ କରିଥିଲେ। ତାଙ୍କ ମୃତ୍ୟୁ ଅଭିନୟ ଜଗତ ପାଇଁ ଏକ ବଡ଼ କ୍ଷତି କହିଲେ କିଛି କମ ହେବ ନାହିଁ।