ଭୁବନେଶ୍ଵର: ବାସ୍ତୁ ଶାସ୍ତ୍ରରେ ଦିଗର ଅନେକ ମହତ୍ୱ ରହିଛି । ପ୍ରତ୍ୟେକ ଛୋଟ ବଡ଼ ଜିନିଷ ପାଇଁ ବାସ୍ତୁ ନିୟମ ରହିଛି ।ଏହି ନିୟମର ପାଳନ କରିଲେ ଜୀବନରେ ସୁଖ, ଶାନ୍ତି ଓ ସମୃଦ୍ଧି ବୃଦ୍ଧି ହୋଇଥାଏ ଏବଂ ନିୟମ ବିରୋଧରେ ଗଲେ ଜୀବନରେ ଅନେକ ସମସ୍ୟା ଦେଖାଦେଇଥାଏ । ବାସ୍ତୁ ଶାସ୍ତ୍ର ଅନୁଯାୟୀ ଘରର ଦକ୍ଷିଣ- ପଶ୍ଚିମ, ଦକ୍ଷିଣ କିମ୍ବା ପଶ୍ଚିମ ଦିଗରେ ସିଡ଼ି ନିର୍ମାଣ କରିବା ପାଇଁ ଉତ୍ତମ ଦିଗ ।
ସାଧାରଣତଃ ସିଡ଼ି ତଳେ ଖାଲି ସ୍ଥାନ ଥିବାରୁ ଅନେକ ବ୍ୟକ୍ତି ଏହାର ଉପଯୋଗ ବିଭିନ୍ନ ମାଧ୍ୟମରେ କରିଥାନ୍ତି । କିଏ ରୋଷେଇ ଘର, ଷ୍ଟୋର ରୁମ ଆଉ କିଏ ଟଏଲେଟ୍ ତିଆରି କରିଥାନ୍ତି ।ଏହାର ନକାରାତ୍ମକ ପ୍ରଭାବ ପରିବାର ସଦସ୍ୟଙ୍କ ଉପରେ ପଡ଼ିଥାଏ ।
ବାସ୍ତୁ ବିଶେଷଜ୍ଞଙ୍କ ଅନୁଯାୟୀ ନିର୍ଦ୍ଧାରିତ ସ୍ଥାନରେ ସିଡ଼ି ତିଆରି କରିବା ଦ୍ୱାରା ବ୍ୟକ୍ତିର ଜୀବନରେ ପ୍ରଗତି ଓ ସଫଳତା ଦେଖାଦେଇଥାଏ । ସିଡ଼ି ତଳ ସ୍ଥାନ ଆର୍ଥିକ ସ୍ଥିରତା ଏବଂ ବିକାଶର ପ୍ରତିନିଧିତ୍ୱ କରିଥାଏ । ସିଡ଼ି ତଳେ ଟଏଲେଟ୍ ତିଆରି କରିବା ଦ୍ୱାରା ବାସ୍ତୁ ଦୋଷ ଦେଖାଦେଇଥାଏ ।
ସିଡ଼ି ତଳେ ଟଏଲେଟ୍ ତିଆରି କରିବା ଦ୍ୱାରା ଘର ସଦସ୍ୟଙ୍କୁ ଦୁର୍ଘଟଣାର ସମ୍ମୁଖୀନ ହେବାକୁ ପଡ଼ିଥାଏ । ସିଡ଼ି ତଳ ସ୍ଥାନ ଅସ୍ଥିର ଏବଂ ଅସୁରକ୍ଷିତ ବିବେଚିତ କରାଯାଇଛି ତେଣୁ ସେଠାରେ କେବେ ବି ଟଏଲେଟ୍ ତିଆରି କରିବା ଉଚିତ ନୁହେଁ ।
ଘରେ ଆର୍ଥିକ ଏବଂ ବିଭିନ୍ନ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଦେଖାଦେଇଥାଏ । ଯେତେ ସଞ୍ଚୟ କରିବାକୁ ଚାହୁଁଥିଲେ ମଧ୍ୟ ହାତରେ ଟଙ୍କା ରୁହେ ନାହିଁ । ପାଚନ ସମସ୍ୟା, ନିଃଶ୍ୱାସ ପ୍ରଶ୍ୱାସ ନେବାରେ ଅସୁବିଧା, ମାନସିକ ଅଶାନ୍ତି ଇତ୍ୟାଦି ଭଳି ସ୍ୱାସ୍ଥ୍ୟ ସମସ୍ୟା ଦେଖାଦେଇଥାଏ ।
ଘରେ ନକାରାତ୍ମକ ଉର୍ଜ୍ଜାର ସଂଚାର ହୋଇଥାଏ । ଏହା ପାରିବାରିକ କଳହର କାରଣ ପାଲଟିଥାଏ । ଘରର ସମସ୍ତ ସକାରାତ୍ମକ ଶକ୍ତି ନକାରାତ୍ମକ ଶକ୍ତିରେ ପରିଣତ ହେବା ଆରମ୍ଭ କରେ। ଏହି କାରଣରୁ, ଘରୁ ଗୁରୁତ୍ୱପୂର୍ଣ୍ଣ ଶକ୍ତି ଦୂରେଇ ଯାଏ। ଏହା ଘରେ ଆଳସ୍ୟ ଭାବନା, ଘର ଲୋକଙ୍କ ମଧ୍ୟରେ ପ୍ରେରଣାର ଅଭାବ ଏବଂ ସକାରାତ୍ମକ ଶକ୍ତିର ଅଭାବ ସୃଷ୍ଟି କରିପାରେ।
Comments are closed.