ଢେଙ୍କାନାଳ : ଗାଁର ଆଦିବାସୀ ମହିଳା ହୋଇପାରିଛନ୍ତି ସ୍ୱାବଲମ୍ବୀ । ହଜାର ହଜାର ମହିଳାଙ୍କୁ ମିଳିଛି ସାହାଯ୍ୟ ସହଯୋଗ। ଯାହା ଫଳରେ ସଫଳ ହୋଇଛି ପ୍ରକଳ୍ପ। ଏହି ଦୃଶ୍ୟ ଦେଖିବାକୁ ମିଳିଛି ଢେଙ୍କାନାଳ କଙ୍କଡାହାଡରେ। ଆଦିବାସୀ ଅଧ୍ୟୁଷିତ ଅଞ୍ଚଳ ହେହଉଛି କଙ୍କଡାହାଡର ଶଶାପଶି ଗାଁ। ଗାଁର ମହିଳା ମାନେ ମିଶନଶକ୍ତି ଜରିଆରେ ଯେଉଁ କିଛି ସାହାଯ୍ୟ ପାଇଛନ୍ତି ସେଥିରେ ଆରମ୍ଭ କରିଦେଇଛନ୍ତି ମାଛ, କୁକୁଡା ଚାଷ ସହ ବିଭିନ୍ନ ପଶୁ ପାଳନ କରୁଛନ୍ତି। ଏହି ସବୁର ତାଲିମ ନେଇ ବିଭିନ୍ନ କାମ ଆରମ୍ଭ କରିଦେଇଛନ୍ତି ମହିଳା ମାନେ। ଆଉ ଏଥିରୁ ଦୁଇ ପଇସା ଲାଭ ବି ମିଳୁଛି ସେମାନଙ୍କୁ।
ପ୍ରଥମେ ନିଜସ୍ୱ ଅର୍ଥରେ କିଛି କିଛି ଖର୍ଚ୍ଚ କରି ଉପକରଣ ଯୋଗାଡ କରିଥିଲେ ମହିଳା ମାନେ। ରଙ୍ଗୀନ୍ ମାଛ ଚାଷରୁ ନେଇ ଅନ୍ୟ ସବୁ ପଶୁ ପାଳନ ପାଇଁ ଆଗେଇ ଆସିଥିଲେ। ଆଉ ପରେ ସେମାନଙ୍କୁ ମିଶନ ଶକ୍ତି ମାଧ୍ୟମରେ ସହଯୋଗ ମିଳିଥିଲା। ନିଜ ପରିଶ୍ରମ ଫଳରେ ଏବେ ଗାଁ ଆଦିବାସୀ ମହିଳା ମାନେ ବେଶ ସ୍ୱାବଲମ୍ବୀ ହୋଇପାରିଛନ୍ତି।
Comments are closed.