ସାଉଥାମ୍ପଟନ: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବାକୁ ଥିବା ୱାର୍ଲ୍ଡ ଟେଷ୍ଟ ଚାମ୍ପିୟନଶିପ ଫାଇନାଲର ପ୍ରଥମ ଦିବସ ଖେଳ ବାତିଲ ହୋଇଛି । ପୂର୍ବରୁ ବର୍ଷା ହେବା ନେଇ ସମ୍ଭାବନା ବ୍ୟକ୍ତ କରାଯାଇଥିଲା । ଦିନ ଯାକ ପ୍ରବଳ ବର୍ଷା ହେବା ଯୋଗୁ ଟସ ପକାଯିବା ମଧ୍ୟ ସମ୍ଭବପର ହୋଇ ନ ଥିଲା । ଆସନ୍ତା କାଲି ପାଗ ଅନକୂଳ ରହିଲେ ଟସ୍ ପକାଯିବା ସହ ମ୍ୟାଚ ଆରମ୍ଭ ହେବ । ଫାଇନାଲ ମ୍ୟାଚ ପାଇଁ ୨୩ ତାରିଖକୁ ରିଜର୍ଭ ଡେ ଭାବେ ରଖାଯାଇଛି ।
ତେବେ ଯାହ ଜଣାପଡୁଛି ବର୍ଷା ନିଶ୍ଚିତ ଭାବେ ଏହି ଟେଷ୍ଟରେ ବାଧା ସୃଷ୍ଟି କରିବ । ଯଦି ମ୍ୟାଚ ଖେଳାଯିବା ସମ୍ଭବପର ନ ହୁଏ ତାହାହେଲେ ଉଭୟ ଟିମକୁ ଯୁଗ୍ମ ବିଜେତା ଘୋଷଣା କରାଯିବ । ଇଂଲଣ୍ଡର ପୂର୍ବତନ ଅଧିନାୟକ ମାଇକଲେ ଭନ ଭାରତକୁ ବର୍ଷା ବଂଚାଇ ଦେଲା ବୋଲି କହିଛନ୍ତି ।
Comments are closed.