ଉତ୍ତରପ୍ରଦେଶ: କରୋନା ପାଇଁ ଦେଶର ବିଭିନ୍ନ ରାଜ୍ୟ ବାଣ ଫୁଟାଇବା ଓ ବିକ୍ରୟ ଉପରେ ରୋକ ଲଗାଇଥିଲେ । ଏହି ଧାରାରେ ସାମିଲ ହୋଇ ଉତ୍ତରପ୍ରଦେଶ ପୋଲିସ ବେଆଇନ ବାଣ ବିକ୍ରିକୁ ରୋକିବା ଲାଗି ଅଭିଯାନ ଆରମ୍ଭ କରିଥିଲା । ଏହି ଧାରାରେ ବୁଲନ୍ଦସହରରେ ଜଣେ ବେଆଇନ ବାଣ ବିକ୍ରେତାଙ୍କୁ ପୋଲିସ ଗିରଫ କରିଥିଲା । ହେଲେ ଗିରଫଦାରୀରର ଭିଡିଓଟି ଭାଇରାଲ୍ ହେବା ପରେ ମାମଲାକୁ ନେଇ ନୂଆ ମୋଡ ସାମ୍ନାକୁ ଆସିଛି ।
ଏହି ଭିଡିଓରେ ପୋଲିସ ବେଆଇନ ବାଣ ଦୋକାନକୁ ଭାଙ୍ଗିବା ସହ ବିକ୍ରେତାଙ୍କୁ ଜୋରଜବରଦସ୍ତ ଗିରଫ କରିଥିଲା । ହେଲେ ଗିରଫ ହୋଇଥିବା ବାଣ ବିକ୍ରେତାଙ୍କ ଝିଅର ବୁକୁଫଟା କାନ୍ଦ ଉପରେ ଆଦୌ ତରଳିନଥିଲା ପୋଲିସର ପାଷାଣ ହୃଦୟ । ଝିଅଟି ନିଜ ବାପାକୁ ଛାଡିଦେବା ଲାଗି ଯେତେ ନେହୁରା ହୋଇଥଲେ ବି କର୍ତ୍ତବ୍ୟରତ ପୋଲିସ ଆଦୌ କର୍ନପାତ କରିଥିଲା ।
ସୋସିଆଲ୍ ମିଡିଆରେ ଭିଡିଓଟି ଖୁବ ଭାଇରାଲ୍ ହେବା ପରେ ଘଟଣା ସାମ୍ନାକୁ ଆସିଥିଲା । ଲୋକେ ଭିଡିଓଟିକୁ ସେୟାର କରିବା ସହ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭିଡିଓରେ ଟ୍ୟାଗ୍ କରି ପୋଲିସ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିଲେ ।
ଭିଡିଓଟିକୁ ଭଲ ଭାବେ ଯାଂଚ କରିବା ପରେ କିଛି ବରିଷ୍ଠ ପୋଲିସ ଅଧିକାରୀ ବାଣ ବିକ୍ରେତାଙ୍କ ପରିବାରକୁ ଭେଟିଥିଲେ । ତା ଛଡା ସମ୍ବେଦଶୀଳ ଘଟଣାର ଗଭୀରତାକୁ ମାପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବାଣ ବିକ୍ରେତାଙ୍କୁ ଛାଡିଦେବା ଲାଗି ପୋଲିସକୁ ନିର୍ଦ୍ଦେଶ ଜାରି କରିଥିଲେ । ତାଜା ରିପୋର୍ଟ ଅନୁଯାୟୀ ଗିରଫ ବାଣ ବିକ୍ରେତା ଜଣକ ଘରକୁ ଫେରିଥିବାବେଳେ ବରିଷ୍ଠ ପୋଲିସ ଅଫିସରମାନେ ତାଙ୍କ ପରିବାର ଲୋକଙ୍କୁ ମିଠା ଓ ଉପହାର ପଠାଇଥିବା ଜଣାପଡିଛି ।
Comments are closed.