ମୁମ୍ବାଇ : ଆଜି ଜିମ୍ବାଓ୍ବେର ପୂର୍ବତନ କ୍ରିକେଟର ହିଥ୍ ଷ୍ଟ୍ରିକଙ୍କର ମୃତ୍ୟୁ ଖବର ପ୍ରଚାର ହୋଇଥିଲା । ଯାହାକି ଏବେ ଗୁଜବ ବୋଲି ଜଣାପଡିଛି । ୪୯ବର୍ଷୀୟ ହିଥ୍ କ୍ୟାନସର୍ ରେ ପୀଡ଼ିତ ଅଛନ୍ତି । ହିଥ୍ ଷ୍ଟ୍ରିକଙ୍କ ଜଣେ ସାଥି ଖେଳାଳୀ ହେନେରୀ ଓଲଙ୍ଗା ତାଙ୍କ ଅଫିସିଆଲ ଟ୍ବିଟର ଆକାଉଣ୍ଟରୁ ସେୟାର କରିଛନ୍ତି ଯେ ହିଥଙ୍କ ମୃତ୍ୟୁ ସହିତ ଜଡିତ ଖବର ସମ୍ପୂର୍ଣ୍ଣ ମିଥ୍ୟା । ସେ ଜୀବିତ ଅଛନ୍ତି । ହେନେରୀ ଓଲଙ୍ଗା ନିଜେ ହିଥଙ୍କ ସହ ଚାଟ୍ କରିଛନ୍ତି । ଯାହାର ଏକ ସ୍କ୍ରିନ୍ ସଟ୍ ସେ ସେୟାର କରିଛନ୍ତି । ଯେଉଁଥିରେ ଲେଖାଅଛି ଯେ ହିଥ୍ ଷ୍ଟ୍ରିକଙ୍କ ମୃତ୍ୟୁ ଖବରକୁ ବହୁତ ବଢେଇ ଚଢେଇ କରି ପ୍ରସାରଣ କରାଯାଇଛି । ମୁଁ ଏବେ ତାଙ୍କ ସହ କଥା ହେଇଛି । ଆଉ ମୁଁ ନିଶ୍ଚିତ କରୁଛି ଯେ ହିଥଙ୍କ ଦେହାନ୍ତ ଖବର ଗୁଜବ ।
ଆଜି ସକାଳେ ହିଥ ଷ୍ଟ୍ରକଙ୍କ ମୃତ୍ୟୁ ଖବର ଭାଇରାଲ ହୋଇଥିଲା । ଯାହାକି କ୍ରିକେଟ ଜଗତକୁ ଏକ ବଡ ଝଟକା ଲାଗିଥିଲା । ସୋସିଆଲ ମିଡିଆରେ ଏହି ଖବର ଜାଣିବା ପରେ ଅନେକ ଖେଳାଳୀ ଦୁଃଖ ପ୍ରକାଶ କରିଥିଲେ । କିନ୍ତୁ ବର୍ତ୍ତମାନ ପ୍ରକୃତ ସତ୍ୟ ସାମ୍ନାକୁ ଆସିଛି ।