ଭୁବନେଶ୍ୱର: ଓଡିଶାରେ ସୋମବାର ଦିନ ୧୪ଟି ନୂଆ କରୋନା ପଜିଟିଭ ମାମଲା ଚିହ୍ନଟ ହୋଇଛି। ସେଥିମଧ୍ୟରୁ ୧୨ ଜଣ ଗଞ୍ଜାମ ଜିଲ୍ଲାର, ଜଣେ ଲେଖାଏଁ କେନ୍ଦ୍ରାପଡା ଏବଂ ରାଉରକେଲା ଅଞ୍ଚଳର।
ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗର ରିପୋର୍ଟ ଅନୁସାରେ ରାଉରକେଲାର ଜଣେ ରୋଗୀ ପୂର୍ବତନ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ବେଳେ ଅବଶିଷ୍ଟ ୧୩ ଜଣ ସୁରତ ଫେରନ୍ତା ।
ଏହି ନୂଆ ମାମଲା ସହିତ ବର୍ତ୍ତମାନ ଗଞ୍ଜାମରେ ଏହି ସଂଖ୍ୟା ୧୩୭କୁ ବୃଦ୍ଧି ପାଇଥିବା ବେଳେ ଜଣଙ୍କର ମୃତ୍ୟୁ ହୋଇଛି।
ସେହିପରି କେନ୍ଦ୍ରାପଡ଼ାରେ ବର୍ତ୍ତମାନ ସାତଟି ସକ୍ରିୟ ମାମଲା ରହିଛି, ଯେଉଁଥିରେ ଦୁଇଜଣ ସମ୍ପୂର୍ଣ୍ଣ ଆରୋଗ୍ୟ ଲାଭ କରିଛନ୍ତି।