ପୁର୍ନଜନ୍ମର ଅବିଶ୍ୱସନୀୟ ସତ୍ୟ: ୪ବର୍ଷର ଶିଶୁ ଖୋଲିଲା ୯ ବର୍ଷ ତଳର ମୃତ୍ୟୁ ରହସ୍ୟ

ଉଦୟପୁର: ପୁର୍ନଜନ୍ମ ଘଟଣା ନେଇ ଏବେ ବି ତର୍କ ଚାଲିଛି । ବୈଜ୍ଞାନିକ ଓ ଗବେଷକମାନେ ଏହା ସମ୍ଭବ ନୁହେଁ ଦାବୀ କରୁଥିବା ବେଳେ ଗୋଟିଏ ପରେ ଗୋଟିଏ ଘଟଣା ଏହି ରହସ୍ୟକୁ ଅନାବୃତ କରୁଛି । ରାଜସ୍ଥାନର ଉଦୟପୁରରେ ପୁନର୍ବାର ଏ ଭଳି ଏକ ଘଟଣା ଘଟିଛିି । ପରାବଲ ଗ୍ରାମର ରତନ ସିଂ ଚୁଡାବତଙ୍କ ୫ମ ଝିଅ । ସେ ଏକ ହୋଟେଲରେ କାର୍ଯ୍ୟ କରନ୍ତି । ପ୍ରାୟ ୧ ବର୍ଷ ହେବ ତାଙ୍କ ସାନ ଝିଅ କିଂଜଲ (୪ ବର୍ଷ) ନିଜକୁ ୩୦ କିଲୋମିଟର ଦୂରରେ ଥିବା ଗ୍ରାମର ଉଷା ବୋଲି କହି ଆସୁଥିଲା । ପ୍ରଥମେ ପରିବାରବର୍ଗ ଏହାକୁ ଗୁରୁତ୍ୱ ଦେଉ ନ ଥିଲେ । ୯ ବର୍ଷ ତଳେ ଦୁର୍ଘଟଣାରେ ପୋଡି ହୋଇ ମୃତ୍ୟୁବରଣ କରିଥିଲି ବୋଲି କହିବା ପରେ ବାପାମାଆ ଚିନ୍ତାରେ ପଡି ଯାଇଥିଲେ । କିଂଜଲ ସେଠାରେ ଥିବା ତା ପରିବାର ସମ୍ପର୍କରେ କହିଥିଲା । ଏହାକୁ ତଦନ୍ତ କରିବା ପରେ ସେ ଯାହା ଯାହା କହିଥିଲା, ସବୁ ସତ୍ୟ ପ୍ରମାଣିତ ହେଲା । ଉଷାରେ ଭାଇ (ପଙ୍କଜ)କୁ ଦେଖ କିଂଜଲ ନାଁ ଧରି ଡାକିଥିଲା । ସମସ୍ତେ ଚକିତ ହୋଇ ଯାଇଥିଲେ । କାରଣ ସେହି ଗ୍ରାମକୁ ସେ କେବେ ଯାଇ ନ ଥିଲେ କିମ୍ବା ପଙ୍କଜକୁ ଦେଖି ନ ଥିଲା । ଏବେ ଉଷାଙ୍କ ପରିବାର ସହ ରତନଙ୍କ ସମ୍ପର୍କ ନିବୀଡ ହୋଇଯାଇଛି । ତେବେ କିଂଜଲ କିପରି ଏ ସବୁ କଥା ଜାଣିଲା ତାହା ପୁଣି ଗବେଷକ, ଡାକ୍ତର ଏବଂ ବୈଜ୍ଞାନିକଙ୍କୁ ଚିନ୍ତାରେ ପକାଇ ଦେଇଛି ।