ନୂଆଦିଲ୍ଲୀ: ତିନି ଦିନ ପୂର୍ବେ ଅର୍ଥାତ୍ ଫେବୃଆରୀ ୫ ତାରିଖରେ, ଆମେରିକାରେ ରହୁଥିବା ୧୦୪ ଜଣ ଅବୈଧ ଭାରତୀୟ ପ୍ରବାସୀ ଭାରତକୁ ପ୍ରତ୍ୟାବର୍ତ୍ତନ କରିଥିଲେ। ଏହି ଭାରତୀୟମାନଙ୍କୁ ଏକ ଆମେରିକୀୟ ସାମରିକ ବିମାନରେ ଭାରତ ଅଣାଯାଇଥିଲା। ଏହି ପ୍ରସଙ୍ଗରେ ସଂସଦରେ ଗତ ଦୁଇ ଦିନ ଧରି ହଟ୍ଟଗୋଳ ଚାଲିଛି। ଏହି ସମୟରେ, ଭାରତର ବୈଦେଶିକ ମନ୍ତ୍ରଣାଳୟ ଆଉ ଏକ ନୂତନ ଅପଡେଟ୍ ଦେଇଛି। ବୈଦେଶିକ ସଚିବ ବିବେକ ମିସ୍ତ୍ରୀ କହିଛନ୍ତି ଯେ ଆମେରିକା ୪୮୭ ଜଣ ଭାରତୀୟଙ୍କ ପାଇଁ ଚୂଡ଼ାନ୍ତ ନିର୍ବାସନ ନିର୍ଦ୍ଦେଶ ଜାରି କରିଛି। ଅର୍ଥାତ ଆମେରିକା ଫୁଣି ୪୮୭ ଅବୈଧ ପ୍ରବାସୀ ଭାରତୀୟଙ୍କୁ ବାରତକୁ ପଠାଇବା ପାଇଁ ପ୍ରସ୍ତୁତ ଚଳାଇଛି।
କହି ରଖୁଛୁ ଯେ ୯୯ ଜଣ ଭାରତୀୟ ପୂର୍ବରୁ ନିର୍ବାସନ ପାଇଁ ପ୍ରସ୍ତୁତ ଥିଲେ। ଏହିପରି ଭାବରେ ଏହି ସଂଖ୍ୟା ଏବେ ୫୮୬ ରେ ପହଞ୍ଚିଛି। ଏହା ସହିତ, ଆମେରିକା ଭାରତକୁ ୨୯୮ ଜଣଙ୍କ ଆଉ ଏକ ତାଲିକା ମଧ୍ୟ ପଠାଇଛି। ସେମାନଙ୍କୁ ଖୁବ୍ ଶୀଘ୍ର ଭାରତକୁ ପ୍ରତ୍ତ୍ୟାବର୍ତ୍ତନ କରାଯିବ। ତେବେ ଭାରତୀୟମାନଙ୍କୁ ନିର୍ବାସନ କରିବା ସମୟରେ ସେମାନଙ୍କ ସହ ଦୁର୍ବ୍ୟବହାର କରାଯିବାର ସମ୍ଭାବନା ଉପରେ ଭାରତ ସରକାର ଚିନ୍ତା ପ୍ରକାଶ କରିଛନ୍ତି। ଆମେରିକାରୁ ଅବୈଧ ଭାରତୀୟ ପ୍ରବାସୀଙ୍କୁ ନିର୍ବାସନ ସମ୍ପର୍କରେ ବୈଦେଶିକ ସଚିବ ବିକ୍ରମ ମିଶ୍ର କହିଛନ୍ତି ଯେ ଆମେରିକୀୟ ବୈଦେଶିକ ମନ୍ତ୍ରୀ ହେବାକୁ ଥିବା ମାନକ କାର୍ଯ୍ୟ ପ୍ରକ୍ରିୟା (SOP) ବିଷୟରେ ସୂଚନା ପ୍ରଦାନ କରିଛନ୍ତି।
ତେବେ ନିର୍ବାସିତ ପ୍ରବାସୀମାନଙ୍କ ପ୍ରତି ଦୁର୍ବ୍ୟବହାର କରିବା ଏକ ଗମ୍ଭୀର ପ୍ରସଙ୍ଗ, ଯାହାକୁ ଆମେ ଆମେରିକୀୟ କର୍ତ୍ତୃପକ୍ଷଙ୍କ ନିକଟରେ ଉଠାଇଛୁ ବୋଲି ମିଶ୍ରି ସୂଚନା ଦେଇଛନ୍ତି। ବୈଦେଶିକ ସଚିବ ବିକ୍ରମ ମିଶ୍ରି କହିଛନ୍ତି ଯେ ଦେଶାନ୍ତର ପ୍ରକ୍ରିୟା ନୂଆ ନୁହେଁ। ବୈଦେଶିକ ମନ୍ତ୍ରୀ ଜୟଶଙ୍କର ଗତକାଲି ସଂସଦରେ ଏହି ପ୍ରସଙ୍ଗରେ ଆଲୋଚନା କରିଥିଲେ। ଆମେରିକା ଭାରତକୁ ଏକ ଅଣ-ସହଯୋଗୀ ଦେଶ ଭାବରେ ବର୍ଣ୍ଣନା କରିବାକୁ ମୁଁ ଗ୍ରହଣ କରିବି ନାହିଁ। ଯଦି ଦୁନିଆର କୌଣସି ଦେଶ ନିଜ ନାଗରିକମାନଙ୍କୁ ପୁନର୍ବାର ଗ୍ରହଣ କରିବାକୁ ଚାହାଁନ୍ତି, ତେବେ ପ୍ରତ୍ୟାବର୍ତ୍ତନ କରୁଥିବା ଲୋକମାନେ ସେ ଦେଶର ନାଗରିକ ହୋଇଥିବାର ଆବଶ୍ୟକତା ରହିଛି। କାରଣ ଏଥି ସହ ଅନେକ ଆଇନଗତ ସମସ୍ୟା ସହ ସୁରକ୍ଷା ସମସ୍ୟା ମଧ୍ୟ ଜଡିତ ରହିଛି। ଏଥିପାଇଁ ଆମେ ଆମେରିକାରୁ ସମ୍ଭାବ୍ୟ ପ୍ରତ୍ୟାବର୍ତ୍ତନକାରୀଙ୍କ ବିଷୟରେ ସବିଶେଷ ତଥ୍ୟ ମାଗିଛୁ। ତେବେ ମୋଟ ୪୮୭ ଜଣ ଭାରତୀୟ ନାଗରିକଙ୍କ ପାଇଁ ଚୂଡ଼ାନ୍ତ ନିର୍ବାସନ ଆଦେଶ ଜାରି ହୋଇଛି ବୋଲି ଆମକୁ ସୂଚନା ମିଳିଛି।
Comments are closed.