ନୂଆଦିଲ୍ଲୀ: ଦିଲ୍ଲୀ ପୋଲିସ ଇନଷ୍ଟାଣ୍ଟ ଲୋନ୍ ଆପ୍ସର ଏକ ରାକେଟରେ ସାମିଲ ଥିବା ସଦସ୍ୟଙ୍କୁ ଗିରଫ କରିଛି। ପାଖାପାଖି ଦୁଇ ମାସ ଧରି ଏ ନେଇ ସ୍ୱତନ୍ତ୍ର ଅପରେସନ କରିବା ପରେ ଶେଷରେ ବିଭିନ୍ନ ରାଜ୍ୟରୁ ଏହି ବେଆଇନ କାରବାରକୁ ଉଜାଗର କରିବାରେ ଦିଲ୍ଲୀ ପୁଲିସ ସଫଳ ହୋଇଛି । କୁହାଯାଉଛି ଯେ ଏହି ଲୋକଙ୍କ ମାଧ୍ୟମରେ ଚାଇନା ଏବଂ ହଂକଂରେ ଥିବା ସର୍ଭରରେ ବିଭିନ୍ନ ଡାଟା ଅପଲୋଡ୍ କରାଯାଉଥିଲା।
ଦିଲ୍ଲୀ ପୋଲିସର ସୂଚନାନୁସାରେ ଚୀନ୍ ନାଗରିକମାନେ ମଧ୍ୟ ଏଥିରେ ଜଡିତ ଅଛନ୍ତି। ଡିସିପି କେପିଏସ୍ ମାଲହୋତ୍ରା କହିଛନ୍ତି ଯେ କ୍ରିପ୍ଟୋକରେନ୍ସି ମାଧ୍ୟମରେ ଚାଇନାକୁ ଟଙ୍କା ପଠାଯାଉଛି। ଦିଲ୍ଲୀ ପୋଲିସ ୨୨ ଅଭିଯୁକ୍ତଙ୍କୁ ଗିରଫ କରିଛି। ଏହି ଗ୍ୟାଙ୍ଗକୁ ଧରିବା ପାଇଁ ପୋଲିସ ଦୁଇମାସ ଧରି ଦିଲ୍ଲୀ, ହରିଆଣା, କର୍ଣ୍ଣାଟକ, ମହାରାଷ୍ଟ୍ର, ୟୁପି ଏବଂ ବିହାରରେ ଚଢାଉ କରିଥିଲା। ଡିସିପି କେପିଏସ୍ ମାଲହୋତ୍ରା କହିଛନ୍ତି ଯେ ବର୍ତ୍ତମାନ ଏହି ପ୍ରମୁଖ କାମ ପରେ ପାକିସ୍ତାନ, ନେପାଳ ଏବଂ ବାଂଲାଦେଶକୁ ଏହି କଲ୍ ସେଣ୍ଟରକୁ ସ୍ଥାନାନ୍ତର କରିବାର ଏକ ନୂଆ ଧାରା ଦେଖାଯାଇଛି। ଦିଲ୍ଲୀ ପୋଲିସର ପଚରାଉଚରା ବେଳେ ଗିରଫ ଅଭିଯୁକ୍ତ କହିଛନ୍ତି ଯେ ଏହି ଲୋକମାନେ ଚୀନ୍ ନାଗରିକଙ୍କ ନିର୍ଦ୍ଦେଶରେ କାମ କରୁଛନ୍ତି। ବର୍ତ୍ତମାନ ଅଧିକ ତଦନ୍ତ ଚାଲିଛି । ଏଥିସହ ସେମାନଙ୍କଠାରୁ ୯ ଟି ଲାପଟପ୍, ୨୫ ଟି ହାର୍ଡ ଡିସ୍କ, ୫୧ ଟି ମୋବାଇଲ୍ ଫୋନ୍, ୧୯ ଟି ଡେବିଟ୍ କାର୍ଡ ଜବତ କରାଯାଇଛି।
ଦିଲ୍ଲୀ ପୋଲିସର ସୂଚନାନୁସାରେ, ଆଇଏଫଏସସି ଏକ ବୈଷୟିକ ଅନୁଧ୍ୟାନ କରିଥିଲା ଯାହା ସେମାନଙ୍କୁ ଇନଷ୍ଟାଣ୍ଟ ଲୋନ୍ ଏବଂ ଚୋରା ଚାଲାଣ ରାକେଟରେ ଫାଟ ସୃଷ୍ଟି କରିବାରେ ସାହାଯ୍ୟ କରିଥିଲା। ତଦନ୍ତରୁ ଜଣାପଡିଛି ଯେ ସମସ୍ତ ଆପ୍ ବ୍ୟବହାରକାରୀଙ୍କ ମୋବାଇଲରେ ପ୍ରବେଶ ହେଉଥିଲା ଆପ୍ । ଏହି ଆପ ଜରିଆରେ ସଂପୃକ୍ତ ମୋବାଇଲରୁ ଚାଟ୍, ବ୍ୟକ୍ତିଗତ ତଥ୍ୟ ଏବଂ ଫୋଟୋ ଚାଇନା ଏବଂ ହଂକଂରେ ଥିବା ସର୍ଭରକୁ ପଠାଯାଇ ଅପଲୋଡ୍ ହେଉଥିଲା। ଆଉ ପଇସା କାରବାର ହାୱାଲା ଏବଂ କ୍ରିପ୍ଟୋକରେନ୍ସି ମାଧ୍ୟମରେ ଚୀନ୍କୁ ଟଙ୍କା ପଠାଯାଉଛି। ଏହି ଆପ୍ ଜରିଆରେ ଅଧିକ ସୁଧରେ ଲୋକେ ଋଣ ନେଉଥିଲେ। ଋଣ ସୁଝିବା ପରେ ଆପ୍ସର କଲ ସେଣ୍ଟରରୁ ଫୋନ୍ ଯାଉଥିଲା। ପରେ ସଂପୃକ୍ତ ବ୍ୟକ୍ତିର ବ୍ୟକ୍ତିଗତ ତଥ୍ୟ ଦେଖାଇ ଅଧିକ ପଇସା ଦେବାକୁ ବାଧ୍ୟ କରୁଥିଲେ।
ଏହି ମାମଲାରେ ଚୀନ୍ ନାଗରିକ ଲିଣ୍ଡା, ଆକିରା, ଜୋୟା, କୋବେ ବ୍ରିଆଣ୍ଟ, ଲୁଓ ରୋଙ୍ଗ ଏବଂ ଜିକସିଆ ଜହାଙ୍ଗଙ୍କ ସମେତ ୨୨ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି।
