ଜୟାଙ୍କୁ ସମର୍ଥନ କରିବାରୁ ଉର୍ମିଲାଙ୍କୁ ଏମିତି କହିଲେ କଙ୍ଗନା

ମୁମ୍ବାଇ: ସଂସଦରେ ରବି କିଷନ ଓ ଜୟା ବଚ୍ଚନଙ୍କ ବୟାନ ପରେ ବଲିଉଡ ଏବେ ଦୁଇ ଫାଳ । କିଛି ସେଲିବ୍ରିଟି ଜୟାଙ୍କୁ ସମର୍ଥନ କରୁଥିବାବେଳେ ଆଉ କିଛି ରବି କିଷନଙ୍କୁ । ତେବେ ଏହାରି ଭିତରେ ଏକ ସାକ୍ଷାତକାରେ ବଲିଉଡ ଅଭିନେତ୍ରୀ ଉର୍ମିଲା ମାତୋଣ୍ଡକର ଜୟା ବଚ୍ଚନଙ୍କୁ ସମର୍ଥନ କଲା ଭଳି କିଛି ପ୍ରତ୍ରିକ୍ରିୟା ରଖିଥିଲେ । ଏହାପରେ ଚିହିଁକି ଉଠିଛନ୍ତି କଙ୍ଗନା ।

ସୋସିଆଲ ମିଡିଆରେ ସିଧାସଳଖ ସେ ଉର୍ମିଲାଙ୍କୁ ଟାର୍ଗେଟ କରିଛନ୍ତି ।  କଙ୍ଗନା ଟ୍ୱିଟ୍ କରି ଲେଖିଛନ୍ତି ଯେ, ଉର୍ମିଲା ବି ଜଣେ ସଫ୍ଟ ପର୍ଣ୍ଣ ଷ୍ଟାର । ମୁଁ ଜାଣିଛି ଏହା ଅତି କଡା କଥା । କିନ୍ତୁ ଉର୍ମିଲାଙ୍କୁ ତାଙ୍କ ଅଭିନୟ ପାଇଁ ଜଣାଯାଏ ନାହିଁ । ତାହାହେଲେ କ’ଣ ପାଇଁ ସେ ଅଧିକ ପରିଚିତ? ସଫ୍ଟ ପର୍ଣ୍ଣ କରୁଥିବାରୁ ତାଙ୍କୁ ଅଧିକ ପରିଚୟ ମିଳିଛି । ଯଦି ତାଙ୍କୁ ଟିକେଟ ମିଳିପାରିଲା, ତାହାହେଲେ ମୋତେ କାହିଁକି ମିଳି ପାରିବନି?’ ବୋଲି କଙ୍ଗନା ପ୍ରଶ୍ନ କରିଛନ୍ତି ।

जय महाराष्ट्र ??
जय हिन्द ??
शुभ रात्रि ?? pic.twitter.com/gIK8DYibZL

— Urmila Matondkar (@UrmilaMatondkar) September 16, 2020

ଏହାକୁ ନେଇ ଉର୍ମିଳା ପୁଣି କଙ୍ଗନାଙ୍କୁ ଓଲଟା ଟାର୍ଗେଟ୍ କରିଛନ୍ତି । ଉର୍ମିଳା, କଙ୍ଗନା ନାଁ ନ ନେଇ ତାଙ୍କୁ ଆକ୍ଷେପ କରିଥିଲେ । ସେ ଶିବାଜୀ ମହାରାଜଙ୍କ ଏକ ଫଟୋ ସେୟାର କରି ଲେଖିଥିଲେ, ପ୍ରତିଶୋଧ ମନୁଷ୍ୟକୁ ଜଳାଇଥାଏ । ସଂଯମ ପ୍ରତିଶୋଧକୁ ନିୟନ୍ତ୍ରଣ କରେ ।