ନୂଆଦିଲ୍ଲୀ: ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ (ଆଇଆଇଏମ୍) ପାଇଁ ସାଧାରଣ ଆଡମିଶନ ଟେଷ୍ଟ (କ୍ୟାଟ୍) ପ୍ରବେଶିକା ପରୀକ୍ଷା ପାଇଁ ଅନଲାଇନ ପଞ୍ଜୀକରଣ ପ୍ରକ୍ରିୟା, ଆଜି ଅପରାହ୍ନ ୫ଟା ରେ ବନ୍ଦ ହେବ ।
ସ୍ନାତକୋତ୍ତର ଏବଂ ଯୋଗ୍ୟ ପ୍ରାର୍ଥୀ, ଯେଉଁମାନେ ସ୍ନାତକୋତ୍ତର (ପିଜି) ସ୍ତରୀୟ ଡିଗ୍ରୀ କିମ୍ବା ଡିପ୍ଲୋମା ପାଠ୍ୟକ୍ରମରେ ଆଡମିଶନ ପାଇବାକୁ ଚାହୁଁଛନ୍ତି, ସେମାନେ iimcat.ac.in ରେ ଆବେଦନ କରିପାରିବେ ।
CAT ୨୦୨୦ ଚଳିତ ବର୍ଷ ନଭେମ୍ବର ୨୯ ରେ ଅନୁଷ୍ଠିତ ହେବାକୁ ଯାଉଛି। ସରକାରୀ ବିବୃତ୍ତି ଅନୁଯାୟୀ ଅକ୍ଟୋବର ୨୮ ରେ ଆଡମିଟ୍ କାର୍ଡ ଏବଂ ଅନ୍ୟାନ୍ୟ ବିବରଣୀ ପ୍ରକାଶ ପାଇବ।
ଚଳିତ ବର୍ଷ ଆଇଆଇଏମ୍-ଇନ୍ଦୋର ଦେଶର ୧୫୬ ଟି ସହରରେ ପରୀକ୍ଷା କରୁଛି। ସାଧାରଣ ବର୍ଗର ପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ୨୦୦୦ ଟଙ୍କା ଥିବାବେଳେ ସଂରକ୍ଷିତ ବର୍ଗ ଏସସି, ଏସଟି ଏବଂ ପିଡବ୍ଲ୍ୟୁଡି ପାଇଁ ଫି ୧୦୦୦ ଟଙ୍କା ରହିଛି ।
CAT ୨୦୨୦ ପରୀକ୍ଷାକୁ ତିନୋଟି ବିଭାଗରେ ବିଭକ୍ତ କରାଯାଇଛି ଯାହାକି ମୌଖିକ ଦକ୍ଷତା ଏବଂ ପଢ଼ିବା ଦକ୍ଷତା, ତଥ୍ୟ ବ୍ୟାଖ୍ୟା ଏବଂ ପରିମାଣିକ ଦକ୍ଷତା । ପରୀକ୍ଷା ପରିଚାଳନା ସମୟ ୧୨୦ ମିନିଟକୁ ହ୍ରାସ କରାଯାଇଛି ।
Comments are closed.