ହକି ଫାଇନାଲରେ ତେନ୍ଦୁଲକର ପାଲଟିବେ ଷ୍ଟାର୍ ଆଟ୍ରାକ୍ସନ୍

ଭୁବନେଶ୍ୱର : କିମ୍ବଦନ୍ତୀ କ୍ରିକେଟର ତଥା ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ରବିବାର ଓଡ଼ିଶା ପୁରୁଷ ହକି ବିଶ୍ୱକପ୍ ଫାଇନାଲ୍ ମ୍ୟାଚ ଦେଖିବା ପାଇଁ ଭୁବନେଶ୍ୱର ଆସିବେ ।

ଏନେଇ ସଚିନ ନିଜ ଟ୍ୱିଟର ଆକାଉଣ୍ଟରରେ ପୋଷ୍ଟ କରିବା ସହ ହକି ବିଶ୍ୱକପର ବିଶ୍ୱସ୍ତରୀୟ ଆୟୋଜନ କରିଥିବା ଯୋଗୁଁ ସେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ହକି ଇଣ୍ଡିଆକୁ ମଧ୍ୟ ଅଭିନନ୍ଦନ ଜଣାଇଛନ୍ତି । ଏଥିସହିତ ‘ମୁଁ ଆସନ୍ତାକାଲି କଳିଙ୍ଗ ଷ୍ଟାଡିୟମ୍ ଆସୁଛି ବୋଲି ଟ୍ୱିଟର ପୋଷ୍ଟରେ ଉଲ୍ଲେଖ କରିଛନ୍ତି ।

Heartwarming to see the entire nation supporting the Men's #HockeyWorldCup2018. Congrats @Naveen_Odisha @TheHockeyIndia for the world class arrangements. To extend my support, I’ll be coming to the spectacular Kalinga Stadium tomorrow. See you there! @sports_odisha @FIH_Hockey pic.twitter.com/HZyZlH6iL0

— Sachin Tendulkar (@sachin_rt) December 15, 2018

ଆହୁରି ମଧ୍ୟ ହକି ବିଶ୍ୱକପର ଉଦଯାପନୀ ଉତ୍ସବରେ କିମ୍ବଦନ୍ତୀ କ୍ରିକେଟରଙ୍କ ସମେତ ରାହୁଲ ଦ୍ରାବିଡ, ସୌରଭ ଗାଙ୍ଗୁଲି, ବଲିଉଡର ବିଗ୍ ବି ଅମିତାଭ ବଚ୍ଚନ, ଅମିର ଖାନ୍ ଏବଂ ସାହିଦ କପୁର ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ରହିଛି ।

ଏଥିସହିତ ପୂର୍ବତନ କ୍ରିକେଟର ଅନିଲ କୁମ୍ବଲେ ଏବଂ ବିରେନ୍ଦ୍ର ସେହୱାଗ ମଧ୍ୟ ଭୁବନେଶ୍ୱର ଆସି ହକି ବିଶ୍ୱକପ ମ୍ୟାଚର ମଜା ଉଠାଇଥିଲେ । ଭାରତ ଓ ନେଦରଲାଣ୍ଡ ମଧ୍ୟରେ ଅନୁଷ୍ଠିତ ହୋଇଥିବା କ୍ୱାଟର ଫାଇନାଲ ମ୍ୟାଚରେ ବୀରୁ ମୁଖ୍ୟମନ୍ତ୍ରୀଙ୍କ ସହ ବସି ମ୍ୟାଚ ଦେଖିଥିଲେ । ସେହିପରି ହକି ବିଶ୍ୱକପର ଉଦଘାଟନୀ ଉତ୍ସବରେ ଧକଧକ୍ ଗାର୍ଲ୍ ମାଧୁରୀ ଦୀକ୍ଷିତ, ଏ ଆର ରେହମାନ, ଶାହରୁଖ ଖାନ୍ ଏବଂ ସଲମାନ୍ ଖାନଙ୍କ ଜଲୱା ଦେଖିବାକୁ ମିଳିଥିଲା ।