ପୁରୀ: ପୁରୀ ବାସେଳୀ ସାହି ଥାନା ଗୋଖା ସାହିର ବାସିନ୍ଦା ବିଜୟ କୁମାର ପଣ୍ଡା ଙ୍କୁ ମରଣାନ୍ତକ ଆକ୍ରମଣ ମାମଲାରେ ପୋଲିସକୁ ମିଳିଛି ସଫଳତା। ଏହି ଘଟଣାରେ ପୋଲିସ ୩ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି।
ସୂଚନାନୁସାରେ ଏହି ଅଭିଯୁକ୍ତଙ୍କ ମଧ୍ୟରେ ଜଣେ ନାବାଳକ ରହିଛନ୍ତି। ସମ୍ପୃକ୍ତ ନାବାଳକଙ୍କୁ ଜୁଭେନାଇଲ କୋର୍ଟରେ ହଜାର କରାଯାଇଛି। ଅଭିଯୁକ୍ତ ନାବାଳକ ସମେତ ସଂଜୟ ବେହେରା ଓ ରକ୍ସି ବେହେରାକୁ ମଫଷ ପୋଲିସ ଗିରଫ କରିଛି।
ପୋଲିସର ସୂଚନା ମୁତାବକ ଗତ ୯ ତାରିଖ ରାତି ପାଖାପାଖି ୧୦ ଟା ୪୫ ରେ ବିଜୟ ମୋବାବଲରେ କଥାବାର୍ତା ହେଉଥିବା ବେଳେ ଅଭିଯୁକ୍ତ ମାନେ ତାଙ୍କୁ ଅଶ୍ଳୀଳ ଭାଷା ରେ ଗାଳି ଗୁଲଜ କରିବା ସମେତ ଏକ ପାଇପ ଓ କାଠରେ ମରଣାନ୍ତକ ଆକ୍ରମଣ କରିଥିଲେ। ଏଥିରେ ବିଜୟ ଚେତା ଶୂନ୍ୟ ଅବସ୍ଥାରେ ତଳେ ପଡି ଯାଇଥିଲେ ।
ଏହାସହ ତାଙ୍କୁ ଅଭିଯୁକ୍ତ ମାନେ ଜିବନ ରୁ ମାରିଦେବାକୁ ଉଦ୍ୟମ କରିଥିଲେ। ଏପରିକି ତାଙ୍କ ବାପା ଓ ମାଆଙ୍କୁ ମଧ୍ୟ ସେମାନେ ମାରିବାକୁ ଉଦ୍ୟମ କରିଥିଲେ। ତେବେ ଘଟଣା ସମ୍ପର୍କରେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ପୁରୀ ମେଡ଼ିକାଲ ପଠାଇ ଥିଲା। ଏ ନେଇ ଏକ ମାମଲା ରୁଜୁ କରି ପୋଲିସ ୩ ଜଣ ଅଭିଯୁକ୍ତ ଙ୍କୁ ଗିରଫ କରିଛି।
Comments are closed.