ଓଟିଟି ଫିଲ୍ମଫେୟାର ଆୱାର୍ଡ: ଅଭିନେତା ନୱାଜୁଦ୍ଦିନ ସିଦ୍ଦିକି ଶ୍ରେଷ୍ଠ ଅଭିନେତା

ନୂଆଦିଲ୍ଲୀ: ଫିଲ୍ମଫେୟାର ପ୍ରଥମ ଥର ପାଇଁ ଫ୍ଲାଇକ୍ସ ଫିଲ୍ମଫେୟାର OTT ପୁରସ୍କାର ଆରମ୍ଭ କରିଛି। ଏହି ପୁରସ୍କାରଗୁଡିକ OTT ପ୍ଲାଟଫର୍ମରେ ସର୍ବୋତ୍ତମ ପ୍ରଦର୍ଶନ କରିଥିବା ୱେବ୍ ସିରିଜ୍, ଚଳଚ୍ଚିତ୍ର, ଅଭିନେତା, ଚଳଚ୍ଚିତ୍ର ନିର୍ମାତା ଏବଂ ସ୍କ୍ରିପ୍ଟ ଲେଖା ସହିତ ବିଭିନ୍ନ ବର୍ଗରେ ପ୍ରଦାନ କରାଯାଇଥାଏ। ଶନିବାର ସନ୍ଧ୍ୟାରେ ପ୍ରଥମ ଥର ପାଇଁ ଫ୍ଲାଇକ୍ସ ଫିଲ୍ମଫେୟାର OTT ପୁରସ୍କାର ଅନୁଷ୍ଠିତ ହୋଇଥିଲା। ଏହି ପୁରସ୍କାର ବିତରଣ ଉତ୍ସବରେ ଅଭିନେତା ନୱାଜୁଦ୍ଦିନ ସିଦ୍ଦିକି ଶ୍ରେଷ୍ଠ ଅଭିନେତା ଭାବେ ପୁରସ୍କାର ଗ୍ରହଣ କରିଛନ୍ତି।

OTT ପ୍ଲାଟଫର୍ମ ନେଟଫ୍ଲିକ୍ସରେ ଫିଲ୍ମ ‘ରାତ ଅକେଲୀ ହ‌ୈ’ ପାଇଁ ନୱାଜୁଦ୍ଦିନ ସିଦ୍ଦିକି ଏହି ପୁରସ୍କାର ଗ୍ରହଣ କରିଛନ୍ତି। ଏହି ଚଳଚ୍ଚିତ୍ରରେ ତାଙ୍କର ଅଭିନୟକୁ ବହୁତ ପ୍ରଶଂସା କରାଯାଇଥିଲା। ଏହି ଚଳଚ୍ଚିତ୍ରରେ ତାଙ୍କ ସହ ରାଧିକା ଆପ୍‌ତେ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଥିଲେ। ଶ୍ରେଷ୍ଠ ଅଭିନେତା (ପୁରୁଷ) ବର୍ଗରେ ୱେବ୍ ଅରିଜିନାଲ୍ ଚଳଚ୍ଚିତ୍ର ‘ରାତ ଅକାଲୀ ହୈ’ ପାଇଁ ନୱାଜୁଦ୍ଦିନ ସିଦ୍ଦିକି, ‘ବାରୋଟ୍ ହାଉସ୍’ ପାଇଁ ଅମିତ ସାଧ୍‌, ‘କାନପୁରୀଏ’ ପାଇଁ ଅପାରଶକ୍ତି ଖୁରାନା, ‘ଭୋସଲେ’ ପାଇଁ ମନୋଜ ବାଜପେୟୀ ଏବଂ ‘ଚିଣ୍ଟୁକା ବାର୍ଥଡେ’ ପାଇଁ ମନୋନୀତ ହୋଇଥିଲେ।