ନୂଆଦିଲ୍ଲୀ: ମହାମାରୀ କରୋନା ସାରା ବିଶ୍ୱରେ କାୟା ବିସ୍ତାର କରିଛି। କେତେକ ଦେଶରେ ସଂକ୍ରମଣ ପୂର୍ବ ଅପେକ୍ଷା ଅଧିକ ଦ୍ରୁତ ଗତିରେ ବ୍ୟାପୁଛି। ଲଗାତାର ତିନି ଦିନ ପରେ ବିଶ୍ୱରେ ସାତ ଲକ୍ଷରୁ କମ୍ କରୋନା ମାମଲା ରୁଜୁ ହୋଇଛି। ଗତ ୨୪ ଘଣ୍ଟା ମଧ୍ୟରେ ୬.୧୨ ଲକ୍ଷ ନୂତନ ମାମଲା ରିପୋର୍ଟ ହୋଇଛି ଏବଂ ୧୦,୭୬୬ ସଂକ୍ରମିତ ଲୋକ ପ୍ରାଣ ହରାଇଛନ୍ତି। ଆମେରିକା, ଭାରତ ଏବଂ ବ୍ରାଜିଲରେ କରୋନାର ସର୍ବାଧିକ ପ୍ରଭାବ ଦେଖିବାକୁ ମିଳିଛି। ଶେଷ ଦିନରେ ଆମେରିକା ଦୁନିଆର ସବୁଠାରୁ ଶକ୍ତିଶାଳୀ ଦେଶରେ ସର୍ବାଧିକ ମୃତ୍ୟୁ ହୋଇଥିବା ରିପୋର୍ଟ ହୋଇଛି। ଏହା ପରେ ମେକ୍ସିକୋ, ବ୍ରାଜିଲ, ଋଷିଆ, ଇଟାଲୀ, ବ୍ରିଟେନ, ପୋଲାଣ୍ଡ, ଜର୍ମାନୀ, ଭାରତରେ ସର୍ବାଧିକ ମୃତ୍ୟୁ ଘଟିଛି।
ବିଶ୍ୱବ୍ୟାପୀ କରୋନା ସଂକ୍ରମଣର ସଂଖ୍ୟା ୭ କୋଟି ୬୬ ଲକ୍ଷ ଅତିକ୍ରମ କରିଛି। କରୋନା ଯୋଗୁଁ ୧୬ ଲକ୍ଷ ୯୧ ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ତେବେ ଏହି ବିପଜ୍ଜନକ ରୋଗରୁ ୫ କୋଟି ୩୭ ଲକ୍ଷ ଲୋକ ଆରୋଗ୍ୟ ଲାଭ କରିଛନ୍ତି। ମୋଟ ମାମଲା ମଧ୍ୟରୁ ୨ କୋଟି ୧୧ ଲକ୍ଷ ଲୋକ ସଂକ୍ରମିତ ହୋଇ ଚିକିତ୍ସିତ ହେଉଛନ୍ତି।