ଭୁବନେଶ୍ୱର : ସର୍ବସାଧାରଣଙ୍କ ଲାଗି ଆସନ୍ତା ଜାନୁଆରୀ ୬ ତାରିଖରୁ ୨୦ ତାରିଖ ଯାଏଁ ରାଜଭବନ ଉଦ୍ୟାନ ଖୋଲା ରହିବ ।
ପ୍ରତ୍ୟେକ ଦିନ ଅପରାହ୍ନ ୨ଟାରୁ ୪ ଟା ୩୦ ପର୍ଯ୍ୟନ୍ତ ଜନସାଧାରଣ ଏହି ଉଦ୍ୟାନ ପରିଦର୍ଶନ କରିପାରିବେ। ଏଥିସହିତ ଛୁଟିଦିନ ଏବଂ ରବିବାରରେ ମଧ୍ୟ ଲୋକମାନେ ରାଜଭବନ ଉଦ୍ୟାନ ବୁଲିବାର ମଜା ଉଠାଇପାରିବେ ।
ଅନ୍ୟପକ୍ଷରେ ଏହି ଉଦ୍ୟାନର କାକଟସ୍ ହାଉସ୍, ୱାଟର ଫାଉଣ୍ଟେନ, ମ୍ୟୁଜିକାଲ୍ ଫାଉଣ୍ଟେନ, ହରିଣ ପାର୍କ, ଗୋଲାପ ଉଦ୍ୟାନ୍, ଆୟୁର୍ବେଦିକ ଉଦ୍ୟାନ ଆଦି ଦର୍ଶକମାନଙ୍କୁ ଖୁବ୍ ଆର୍କଷିତ କରିପାରିବ ।
ତେବେ ଏହି ପରିଦର୍ଶନ ବେଳେ ରାଜଭବନ ପରିସର ମଧ୍ୟକୁ କୌଣସି ଖାଦ୍ୟଦ୍ରବ୍ୟ, ଆଲକୋହଲ ଯୁକ୍ତ ପାନୀୟ ଏବଂ ଅନ୍ୟ ଆପତ୍ତିଜନକ ସାମଗ୍ରୀକୁ ଜନସାଧାରଣଙ୍କୁ ନେବା ପାଇଁ ଅନୁମତି ଦିଆଯିବ ନାହିଁ ।
Comments are closed.