ଉତ୍ତରପ୍ରଦେଶ: ଟିଭି ଓ ଚଳଚ୍ଚିତ୍ର ଜଗତରେ ଦର୍ଶକଙ୍କୁ ହସାଇଥିବା ହାସ୍ୟ କଳାକାର ରାଜୁ ଶ୍ରୀବାସ୍ତବଙ୍କୁ ମିଳିଛି ହତ୍ୟା ଧମକ । ବର୍ତ୍ତମାନ ସ୍ଥିତିରେ ସେ ଉତ୍ତରପ୍ରଦେଶ ଚଳଚ୍ଚିତ୍ର ବିକାଶ ପରିଷଦର ମୁଖ୍ୟ ପଦରେ ରହିଛନତି । କେହି ଜଣେ ଅଜଣା ବ୍ୟକ୍ତି ତାଙ୍କୁ ଫୋନ୍ କଲ୍ ଜରିଆରେ ହତ୍ୟା ଧମକ ଦେଇଥିବା ଜଣାପଡିଛି ।
ରାଜୁ ଶ୍ରୀବାସ୍ତବଙ୍କୁ ବାଦ୍ ଦେଲେ ତାଙ୍କ ବନ୍ଧୁ ଅଜିତ୍ ସକ୍ସେନା ଓ ଗର୍ଭିତ ନାରଙ୍ଗଙ୍କୁ ମଧ୍ୟ ସମାନ ରୂପେ ଧମକ ମଳିଥିବା ସୂଚନା ରହିଛି । ତେବେ ଏପରି ଫୋନ୍ କଲ ରାଜୁଙ୍କୁ ୭ ବର୍ଷ ପୂର୍ବେ ମଧ୍ୟ ମିଳିଥିଲା । ସେହି ସମୟରେ ସେ ମହାରାଷ୍ଟ୍ରରେ ଏକ ଥାନାରେ ଏତଲା ଦେଇଥିଲେ । ଏହି ଘଟଣାକୁ ନେଇ ଅଭିନେତା ରାଜୁ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହଙ୍କ ଧ୍ୟାନ ଆକର୍ଷଣ କରିଛନ୍ତି ।
ଛୋଟମୋଟ ଚରିତ୍ରରେ ଅଭିନୟ କରି ରାଜୁ ଶ୍ରୀବାସ୍ତବ ବଲିଉଡରେ ପାଦ ଥାପିଥିଲେ । ତେବେ ମେଗାଷ୍ଟାର ଅମିତାଭଙ୍କ ଭଳି ସାମାନ୍ୟ ଦେଖାଯାଉଥିବାରୁ ସେ ଦର୍ଶକଙ୍କ ନିକଟରେ ପରିଚିତ ହୋଇପାରିଥିଲେ । ଚଳଚ୍ଚିତ୍ର ଛଡା ଷ୍ଟାଣ୍ଟ-ଅପ୍ କମେଡି ଓ ଦ ଗ୍ରେଟ୍ ଇଣ୍ଡିଆନ୍ ଲାଫ୍ଟର ଚାଲେଂଜ ଓ ବିଗବସ ଭଳି ରିୟାଲିଟି ସୋରେ ସେ ଦର୍ଶକଙ୍କ ମନୋରଂଜନ କରିଥିଲେ ।
Comments are closed.