ନୂଆଦିଲ୍ଲୀ: ଭାରତରେ କରୋନାର ବ୍ରିଟେନ୍ ଷ୍ଟ୍ରେନ ପରେ ଦକ୍ଷିଣ ଆଫ୍ରିକା ଓ ବ୍ରାଜିଲ୍ ଭାରିଆଣ୍ଟ ମିଳିଛି । ICMR ମହାନିର୍ଦ୍ଦେଶକ ବଳରାମ ଭାର୍ଗବ କହିଛନ୍ତି- ଫେବ୍ରୁଆରୀ ପ୍ରଥମ ସପ୍ତାହରେ କରୋନା ଭୂତାଣୁର ବ୍ରାଜିଲ୍ ଭାରିଆଣ୍ଟ ଚିହ୍ନଟ ହୋଇଛି । ତେବେ, ବ୍ରାଜିଲ୍ ଭାରିଆଣ୍ଟ ଉପରେ ଭ୍ୟାକ୍ସିନ୍ କେତେ ପ୍ରଭାବଶାଳୀ ତା’ର ଅନୁଧ୍ୟାନ କରାଯାଉଛି । ତା’ଛଡ଼ା ଦକ୍ଷିଣ ଆଫ୍ରିକା, ବ୍ରାଜିଲ୍ ଠାରୁ ବ୍ରିଟେନ୍ ଭାରିଆଣ୍ଟ ଅଲଗା ବୋଲି ସେ ସୂଚନା ଦେଇଛନ୍ତି ।
COVID19| Today we have 187 UK variant patients. All confirmed cases are quarantined and treated. Their contacts have been isolated and tested. Neutralisation potential with UK variant of the virus is there with the vaccine that we have: Dr. Balram Bhargava, DG ICMR pic.twitter.com/2gji6a5We0
— ANI (@ANI) February 16, 2021
ଦକ୍ଷିଣ ଆଫ୍ରିକାରୁ ଫେରିଥିବା ୪ ଜଣଙ୍କ ଠାରେ କରୋନାର ଦକ୍ଷିଣ ଆଫ୍ରିକା ଷ୍ଟ୍ରେନ୍ ଥିବା ଜଣାପଡ଼ିଛି । ସମସ୍ତ ଯାତ୍ରୀ ଓ ସେମାନଙ୍କ ସମ୍ପର୍କରେ ଆସିଥିବା ଲୋକଙ୍କ କରୋନା ଟେଷ୍ଟା କରାଯାଇଛି । ସମସ୍ତଙ୍କୁ କ୍ୱାରେଣ୍ଟାଇନରେ ରଖାଯାଇଛି । ଏହା ବାଦ୍ ଦେଶରେ ବ୍ରାଜିଲ୍ ଭାରିଆଣ୍ଟରେ ଗୋଟିଏ ମାମଲା ମିଳିଛି ।
ଏବେ ଯାଏ ବ୍ରିଟେନ୍ ଷ୍ଟ୍ରେନର ୧୮୭ଟି ମାମଲା ଦେଶରେ ଚିହ୍ନଟ କରାଯାଇଛି । ବ୍ରିଟେନ୍ ଭାରିଆଣ୍ଟ ସଂକ୍ରମିତଙ୍କ ମଧ୍ୟରୁ କାହାର ବି ମୃତ୍ୟୁ ହୋଇନାହିଁ । ସମସ୍ତ ପଜିଟିଭ୍ ମାମଲା କ୍ୱାରେଣ୍ଟାଇନରେ ଥିବାବେଳେ ଚିକିତ୍ସା ଚାଲିଛି । ସେମାନଙ୍କ ସମ୍ପର୍କରେ ଆସିଥିବା ଲୋକଙ୍କୁ ମଧ୍ୟ ଆଇସୋଲେଟ୍ କରାଯାଇଛି । ବ୍ରିଟେନ୍ ଷ୍ଟ୍ରେନ୍ ଉପରେ ଭାରତର ଭ୍ୟାକ୍ସିନ୍ ପ୍ରଭାବ ଦେଖାଉଛି ।
We have done disembarkations, mandatory RT-PCR tests for travellers coming from UK. Those who tested positive, their genome sequencing being done. This is a good strategy. I hope- we might follow this similar strategy for flights from South Africa & Brazil: Secy, Health Ministry pic.twitter.com/qC4FQJhLHI
— ANI (@ANI) February 16, 2021
ସ୍ୱାସ୍ଥ୍ୟ ମନ୍ତ୍ରଣାଳୟ ସଚିବ ରାଜେଶ ଭୂଷଣ କହିଛନ୍ତି- ୟୁନାଇଟେଡ୍ କିଙ୍ଗଡମରୁ ଆସୁଥିବା ସମସ୍ତ ଯାତ୍ରୀଙ୍କ ଲାଗି କରୋନାର ଆରଟି-ପିସିଆର୍ ଟେଷ୍ଟ ବାଧ୍ୟତାମୂଳକ କରାଯାଇଛି । ପଜିଟିଭ୍ ଚିହ୍ନଟ ଲୋକଙ୍କ ଜିନୋମ ଅନୁକ୍ରମଣ କରାଯାଉଛି । ଏହା ଏକ ଭଲ ରଣନୀତି । ଦକ୍ଷିଣ ଆଫ୍ରିକା ଓ ବ୍ରାଜିଲରୁ ଫେରୁଥିବା ଯାତ୍ରୀଙ୍କ ଲାଗି ଏହିଭଳି ରଣନୀତି ଆପଣାଯିବ ବୋଲି ସେ ଆଶାବ୍ୟକ୍ତ କରିଛନ୍ତି ।
Comments are closed.