ପୁରୀ: ପିପିଲି ଉପନିର୍ବାଚନକୁ ମଝିରେ ରହିଲା ଆଉ ୬ ଦିନ । ତିନି ଦିନ ପରେ ପ୍ରଚାର ଥମିଯିବ । ସମୟ କମ୍ । ନେତା ଓ କର୍ମୀଙ୍କୁ ନାହିଁ ଫୁରସତ । ଆଜିଠୁ ହେଭିଓ୍ୱେଟ୍ କ୍ୟାମ୍ପେନ୍ । ବିଜେଡି ପ୍ରଚାର ମୈଦାନକୁ ଓହ୍ଲାଇବେ ସୁପ୍ରିମୋ ନବୀନ ପଟ୍ଟନାୟକ । ଭର୍ଚୁଆଲରେ ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀଙ୍କ ପାଇଁ ଭୋଟ୍ ମାଗିବେ । ଅପରାହ୍ଣ ୪ଟାରୁ ପ୍ରଚାର କରିବେ ନବୀନ ।
ପିପିଲି ବ୍ଲକ୍ ଓ ଏନ୍ଏସି ସହ ଡେଲାଙ୍ଗ ବ୍ଲକ୍ର ବିଭିନ୍ନ ପଞ୍ଚାୟତରେ ଭର୍ଚୁଆଲ୍ ମିଟିଂ କରିବେ । ପିପିଲି ବ୍ଲକର ତିନିଟି ପଞ୍ଚାୟତ ଗୋବିନ୍ଦପୁର, ଦାଣ୍ଡମୁକୁନ୍ଦପୁର, ଯଶୁଆପୁରରେ ପ୍ରଚାର କରିବେ ନବୀନ । ସେହିପରି ଡେଲାଙ୍ଗ ବ୍ଲକ୍ର ରେଞ୍ଚ, କୋଠବାଡ଼ ଓ ସିଂବରହମ୍ପୁର ପଞ୍ଚାୟତର ଭୋଟରଙ୍କୁ ରୁଦ୍ରଙ୍କ ପାଇଁ ସମର୍ଥନ ମାଗିବେ ବିଜେଡି ସୁପ୍ରିମୋ ।
ସେପଟେ କାଲିଠୁ ପିପିଲିରେ ବିଜେପି ପାଇଁ ପ୍ରଚାର କରିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ ଉତ୍ତରାଛକ ନିକଟ ସିଫାଠାରୁ ଦଳୀୟ ରାଲିରେ ବାହାରି ପିପିଲି ବାଇପାସ୍ ଛକ ହୋଇ ପିପିଲି ବଜାର, ଡେଲାଙ୍ଗ ବଜାର, ହରିରାଜପୁର ଆଦି ସ୍ଥାନରେ ନିର୍ବାଚନୀ ପ୍ରଚାର କରିବେ । କେନ୍ଦ୍ର ସରକାରଙ୍କ ଜନହିତକର କାର୍ୟ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକାଶର ମନ୍ତ୍ର ଓ ରାଜ୍ୟ ସରକାରଙ୍କ ବିଫଳତାକୁ ଆଧାର କରି ଆଶ୍ରିତ ପଟ୍ଟନାୟକଙ୍କ ପାଇଁ ଭୋଟ୍ ମାଗିବେ ଧର୍ମେନ୍ଦ୍ର ।
ସେପଟେ କଂଗ୍ରେସ ବି ପ୍ରଚାର ଅଭିଯାନକୁ ସରଗରମ କରିଛି । ତେବେ ଦଳୀ ପ୍ରାର୍ଥୀ ଅଜିତ ମଙ୍ଗରାଜ କରୋନା ସଂକ୍ରମିତ ହୋଇଥିବାରୁ ସେ ହୋମ୍ କ୍ୱାରେଣ୍ଟାଇନରେ ଅଛନ୍ତି । ତାଙ୍କ ପାଇଁ ରୋଡ୍ ସୋ, ଡୋର ଟୁ ଡୋର୍ କ୍ୟାମ୍ପେନରେ ଭୋଟ୍ ମାଗୁଛନ୍ତି ଦଳର ବରିଷ୍ଠ ନେତା । ଦିନ ସରି ଆସୁଥିବା ବେଳେ ପିପିଲିରେ ଘମାସାନ ପ୍ରଚାର ଚାଲିଛି । ଖରାତରାକୁ ଖାତିର ନକରି ଭୋଟରଙ୍କ ମନ ଜିଣିବାକୁ ସମସ୍ତେ ଦମ୍ ଲଗାଇ ଦେଇଛନ୍ତି । ପିପିଲିରେ ଡେରା ପକାଇଛନ୍ତି ମାଳ ମାଳ ନେତା ଓ ମନ୍ତ୍ରୀ ।
BREAKING NEWS
- ଦୁଇ ସିଆରପି ନିର୍ବାଚନୀ ସଭାରେ ହୁଳହୁଳି ପକାଇ ନିଲମ୍ବିତ
- ହିଟ୍ ଆଣ୍ଡ ରନ୍ : ସୁରେଶ ରାଇନାଙ୍କ ୨ ଭାଇଙ୍କ ମୃତ୍ୟୁ
- ଶ୍ରୀଜଗନ୍ନାଥ ତତ୍ତ୍ୱ ଓ ତଥ୍ୟ : ନିଳାଦ୍ରୀ ମଣ୍ଡପ
- ଜମ୍ମୁ-କାଶ୍ମୀରରେ ଏନକାଉଣ୍ଟର, ବିଏସଏଫ୍ ଯବାନଙ୍କ ଗୁଳିରେ ଅନୁପ୍ରବେଶକାରୀ ନିହତ
- ଆସନ୍ତକାଲି ନାମାଙ୍କନ ଦାଖଲର ଶେଷ ତାରିଖ, ଆଜି କଂଗ୍ରେସ ଘୋଷଣା କରିବ ଆମେଠି ଓ ରାୟବରେଲି ଲୋକସଭା ଆସନର ପ୍ରାର୍ଥୀ
- ନବୀନ କଣ୍ଟାବାଞ୍ଜି ଆସନ ପାଇଁ ଭରିବେ ନାମାଙ୍କନ
- ଏଥର ୩୦୦ ପାର୍, ବୋଲରଙ୍କ ନିଦ ହଜାଉଛନ୍ତି ବ୍ୟାଟର୍ !
- ସ୍ୱପ୍ନ ସାକାର କରିବା ପାଇଁ ପନ୍ତ ଛାଡି ଦେଇଥିଲେ ରସମଲେଇ, ଚିକେନ, ବିରିୟାନୀ ଖାଇବା
- ନିର୍ବାଚନ ବେଳେ ରାହୁଲଙ୍କୁ ପାକିସ୍ତାନର ପୂର୍ବତନ ମନ୍ତ୍ରୀଙ୍କ ପ୍ରଶଂସା, କଡା ଜବାବ ଦେଲା ବିଜେପି
- ସାଧାରଣ ନିର୍ବାଚନ ୨୦୨୪: ବିଜେପୁର ବିଧାନସଭା ଆସନ ପାଇଁ ନାମାଙ୍କନ ଦାଖଲ କଲେ ବିଭିନ୍ନ ଦଳର ପ୍ରାର୍ଥୀ