ଭୁବନେଶ୍ୱର: ତୃତୀୟ ପର୍ଯ୍ୟାୟ କୋଭିଡ୍ ଟିକାକରଣ ଆଜିଠୁ ଆରମ୍ଭ ହୋଇଛି । ଏଥିସହ ପୂର୍ବରୁ ୪୫ ବର୍ଷରୁ ଅଧିକ ବୟସ୍କଙ୍କୁ ଦିଆଯାଉଥିବା ଟିକାଦାନ ଜାରି ରହିଛି । ଭୁବନେଶ୍ୱରର ୨୬ଟି ସରକାରୀ ସ୍ୱାସ୍ଥ୍ୟକେନ୍ଦ୍ରରେ ଟିକାଦାନ କରାଯାଉଥିବା ନେଇ ବିଏମସି ସୂଚନା ଦେଇଛି । ଏଥିସହ ୧୮ରୁ ୪୪ ବୟସ୍କଙ୍କୁ ଟିକା ନେବା ପାଇଁ ସ୍ଲଟ୍ ବୁକିଂ ଆରମ୍ଭ ହୋଇଛି । କୋ-ୱିନ୍ ଆପରେ ଟିକା ପାଇଁ ପଞ୍ଜିକରଣ କରି ହେବ ।
Timing for vaccination for 18-44 age group is 8.00 AM to 1.00 PM, for 45+ age group- 3.00 PM to 6.00 PM
Note:- Beneficiary can only take the vaccination at the centre he/she has chosen during registration. Please don't visit other vaccination centres apart from the one choosen.— BMC (@bmcbbsr) May 1, 2021
ଏଥିସହ ଟିକାକରଣ ସମୟ ନିର୍ଦ୍ଧାରଣ କରିଛି ବିଏମସି । ୧୮ରୁ ୪୪ ବୟସ୍କଙ୍କୁ ସକାଳ ୮ଟାରୁ ଦିନ ଗୋଟାଏ ଯାଏ କୋଭିଡ୍ ଟିକା ଦିଆଯିବ । ସେହିଭଳି ଅପରାହ୍ଣ ୩ଟାରୁ ସନ୍ଧ୍ୟା ୬ଟା ଯାଏ ୪୫ ବର୍ଷରୁ ଅଧିକ ବୟସ୍କ କୋଭିଡ୍ ଟିକା ନେଇପାରିବେ । ତେବେ, ସମସ୍ତେ ଅନଲାଇନରେ ପଞ୍ଜିକରଣ କରି ଟିକାକରଣ କେନ୍ଦ୍ରକୁ ଆସିବାକୁ ବିଏମସି କହିଛି ।