ନୂଆଦିଲ୍ଲୀ: ଦେଶରେ ବିଭିନ୍ନ ବର୍ଗରେ କରୋନା ଟିକାକରଣ ଚାଲିଛି। ଏଥିପାଇଁ କେନ୍ଦ୍ର ସରକାର ସମସ୍ତ ରାଜ୍ୟକୁ ୨୯.୩୫ କୋଟି ଡୋଜ୍ ଟିକା ଯୋଗାଇଦେଇଛନ୍ତି। ଏହା ସହିତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳଗୁଡ଼ିକ କିପରି ସିଧାସଳଖ ଟିକା କ୍ରୟ କରିପାରିବେ ତା’ର ବ୍ୟବସ୍ଥା ମଧ୍ୟ ହୋଇଛି ବୋଲି କେନ୍ଦ୍ର ସୂଚନା ଦେଇଛି। କେନ୍ଦ୍ର ସରକାରଙ୍କ ସ୍ଥିରୀକୃତ ନୀତି ଅନୁସାରେ ବିଭିନ୍ନ ଲାବୋରେଟୋରୀରେ ପ୍ରସ୍ତୁତ ହେଉଥିବା ଟିକାର ୫୦ ପ୍ରତିଶତ ଟିକା କେନ୍ଦ୍ର ସରକାର କିଣିବେ। ଏହାକୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳଗୁଡ଼ିକୁ ମାଗଣା ଦିଆଯିବ। ଏହି କ୍ରମରେ ରାଜ୍ୟଗୁଡ଼ିକୁ ୨୯,୩୫,୦୪,୮୨୦ ଟିକା ଦିଆଯାଇଛି। ସେଥିମଧ୍ୟରୁ ଗତକାଲି ସନ୍ଧ୍ୟା ସୁଦ୍ଧା ୨୬,୩୬୨୬,୮୮୪(ନଷ୍ଟ ହୋଇଥିବା ଟିକାକୁ ମିଶାଇ) ଡୋଜ୍ ବ୍ୟବହାର ହୋଇଛି। କେନ୍ଦ୍ର ଅଂଶରୁ ଏବେ ବି ରାଜ୍ୟଗୁଡ଼ିକ ପାଖରେ ୨,୯୮,୭୭,୯୩୬ ଡୋଜ୍ ଟିକା ବଳକା ରହିଛି।
Comments are closed.