୧୪ ଜୁଲାଇ ପର୍ଯ୍ୟନ୍ତ ସପ୍ତାହକୁ ୪ ଦିନ ଚଳାଚଳ କରିବ ରାଜଧାନୀ ଏକ୍ସପ୍ରେସ

ଭୁବନେଶ୍ବର : ଟ୍ରେନ୍ ଯାତ୍ରୀମାନଙ୍କ ପାଇଁ ଗୁରୁତ୍ୱପୂର୍ଣ୍ଣ ସୂଚନା । ୧୪ ଜୁଲାଇ ପର୍ଯ୍ୟନ୍ତ ସପ୍ତାହକୁ ୪ ଦିନ ଚଳାଚଳ କରିବ ଭୁବନେଶ୍ବର ରାଜଧାନୀ ଏକ୍ସପ୍ରେସ । କୋଭିଡ ସଂକ୍ରମଣକୁ ରୋକିବା ଲାଗି ଏଭଳି ନିଷ୍ପତ୍ତି ନେଇଛି ରେଳ ବିଭାଗ ।

୦୨୮୨୩ ଭୁବନେଶ୍ବର-ନୂଆଦିଲ୍ଲୀ ରାଜଧାନୀ ସ୍ପେଶାଲ ଟ୍ରେନ ଭାୟା ଟାଟା ଭୁବନେଶ୍ବରରୁ ପ୍ରତି ମଙ୍ଗଳବାର ଓ ଗୁରୁବାର ଦିନ ଚଳାଚଳ କରିବ । ସେହିପରି ସୋମବାର ଓ ଶୁକ୍ରବାର ବାତିଲ ରହିବ ।

୦୨୮୨୪ ନୂଆଦିଲ୍ଲୀ-ଭୁବନେଶ୍ବର ରାଜଧାନୀ ସ୍ପେଶାଲ ଟ୍ରେନ ଭାୟା ଟାଟା ନୂଆଦିଲ୍ଲୀରୁ ପ୍ରତି ବୁଧବାର ଓ ଗୁରୁବାର ଦିନ ଚଳାଚଳ କରିବାକୁ ଥିବା ବେଳେ, ମଙ୍ଗଳବାର ଓ ଶନିବାର ବାତିଲ ରହିବ ।

୦୨୮୨୫/୦୨୮୨୬ ଭୁବନେଶ୍ବର-ନୂଆଦିଲ୍ଲୀ-ଭୁବନେଶ୍ବର ରାଜଧାନୀ ସ୍ପେଶାଲ ଟ୍ରେନ ଭାୟା ଆଦ୍ରା ଭୁବନେଶ୍ବରରୁ ରବିବାର ଓ ବୁଧବାର ଦିନ ଏବଂ ନୂଆଦିଲ୍ଲୀରୁ ସୋମବାର ଓ ଶୁକ୍ରବାର ଦିନ ଚଳାଚଳ କରିବ ।

୦୨୮୫୫/୦୨୮୫୬ ଭୁବନେଶ୍ବର-ନୂଆଦିଲ୍ଲୀ-ଭୁବନେଶ୍ବର ରାଜଧାନୀ ବିଶେଷ ଟ୍ରେନ ଭାୟା ସମ୍ବଲପୁର ସିଟି ଏବଂ ରାଉରକେଲା ଭୁବନେଶ୍ବରରୁ ଜୁଲାଇ ୩ ଓ ୧୦ ତାରିଖ ଏବଂ ନୂଆଦିଲ୍ଲୀରୁ  ଜୁଲାଇ ୪ ଓ ୧୧ ତାରିଖ ଦିନ ବାତିଲ ରହିବ ।