ଆଫଗାନିସ୍ତାନ : କାବୁଲକୁ ତାଲିବାନ କବଜା କରିବା ପରେ ସହର ଏବେ ନିଶ୍ଚଳ । ସବୁଠି ନୀରବତା । ସହରର ଅଧିକାଂଶ କୋଠା ପାଲଟି ଗଲାଣି ଭୂତକୋଠି । ପ୍ରାଣ ବିକଳରେ ଲୋକମାନେ ସହର ଛାଡି ବାହାରକୁ ଚାଲିଯାଉଛନ୍ତି । ନା ଅଛି ଖାଦ୍ୟ ନା ପାଣି । ସାରା ସହରରେ ହାହାକାର ଅବସ୍ଥା । ଅଧିକାଂଶ ଦେଶର ଦୂତାବାସ ବି ଜନଶୂନ୍ୟ ପାଲଟିଲାଣି । କିଏ କୁଆଡେ ଯାଉଛନ୍ତି ସେମାନଙ୍କ ପତ୍ତା ମିଳୁନି । ଏଭଳି ସ୍ଥିତିରେ ଅଧିକାଂଶ ଲୋକ ପଳାଇ ଯିବାକୁ ବିମାନବନ୍ଦରରେ ଭିଡ ଜମାଇଛନ୍ତି । ମାତ୍ର ବିମାନ ଚଳାଚଳ ବନ୍ଦ ଯୋଗୁ ସେଠାରେ ନାହିଁ ନଥିବା ପରିସ୍ଥିତି ସୃଷ୍ଟି ହୋଇଛି । ପିଲାଙ୍କ ଆର୍ତ୍ତ ଚିତ୍କାରରେ ଫାଟୁଛି ପରିବେଶ ।
"We don't count because we're from Afghanistan. We'll die slowly in history"
Tears of a hopeless Afghan girl whose future is getting shattered as the Taliban advance in the country.
My heart breaks for women of Afghanistan. The world has failed them. History will write this. pic.twitter.com/i56trtmQtF
— Masih Alinejad 🏳️ (@AlinejadMasih) August 13, 2021
ବୁର୍ଖାଧାରୀ ମହିଳାମାନେ ବି ଅଜଣା ରାସ୍ତାରେ ଯାଉଥିବା ଦେଖାଯାଉଛି । ସେପଟେ ଜଣେ ବାଳିକାର କରୁଣ କାନ୍ଦ ଏବେ ଭାଇରାଲ ହେବାରେ ଲାଗିଛି । ଆଫଗାନିସ୍ତାନର ଦୁର୍ଦ୍ଦଶା ପ୍ରତି ବିଶ୍ବବାସୀଙ୍କ ନଜର ନାହିଁ ବୋଲି ବାଳିକା ଜଣକ କହିବା ସହ ବିପଦରେ ସହାୟ ହେବାକୁ ନିବେଦନ କରିଛନ୍ତି । ସେ ଲେଖିଛନ୍ତି ଜଣେ ଅସହାୟ ଆଫଗାନ ବାଳିକା କୋହଭରା ଦୁଃଖରେ ଏହା ଜଣାଇବାକୁ ଚାହୁଁଛି ଯେ ତାଙ୍କ ଭବିଷ୍ୟତ ଧ୍ବସ୍ତ ହୋଇଯାଇଛି । ଆଫଗାନିସ୍ତାନର ମହିଳାଙ୍କ ଦୁର୍ଦ୍ଦଶା ଦେଖି ତାଙ୍କ ହୃଦୟ ଭାଙ୍ଗିଯାଇଛି । ତାଙ୍କୁ ସୁରକ୍ଷା ଦେବାରେ ବିଶ୍ବ ବିଫଳ ହୋଇଛି । ଇତିହାସ ଏହାକୁ କେବେ ଭୁଲିବ ନାହିଁ । ଆମେ ଆଫଗାନ ବୋଲି ଆମକୁ କେହି ପଚାରୁନାହାନ୍ତି । ତାଙ୍କର ଏହି ଭିଡିଓକୁ ଇରାନର ଜଣେ ସାମ୍ବାଦିକା ମସି ଆଲିନିଜାଦ ପୋଷ୍ଟ କରିବା ପରେ ଏହା ଭାଇରାଲ ହେବାରେ ଲାଗିଛି ।