କାମାକ୍ଷାନଗର : ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ସୁକିନ୍ଦା-ଅନୁଗୁଳ ନୂତନ ରେଳପଥରୁ ଇଞ୍ଜିନିୟରିଂ ମେଟାଲ ଚୋରି ଘଟଣାରେ ସଫଳତା । ମେଟାଲ ଚୋରି ଅଭିଯୋଗରେ ୨ ଜଣଙ୍କୁ ଗିରଫ କରିଛି ଢେଙ୍କାନାଳ ରେଲୱେ ପୋଲିସ । ଗିରଫ ଅଭିଯୁକ୍ତ ମାନେ ହେଲେ କାମାକ୍ଷାନଗର ମେନରୋଡ଼ ସ୍ଥିତ କବାଡି ଦୋକାନର ମାଲିକ ଏମ.ଡି ମୁକ୍ତା ଏବଂ ଫେରିବାଲା ମହେଶ୍ବର ପ୍ରଧାନ ।
ସୁକିନ୍ଦା-ଅନୁଗୁଳ ନୂତନ ରେଳପଥର ଆଳତୁମା, ଶିବୁଳାପଶି, ଚୁଳିଆ ନିକଟରୁ ରେଲୱେ ଇଞ୍ଜିନିୟରିଂ ମେଟାଲ ବାରମ୍ବାର ଚୋରି ହେଉଥିବା ନେଇ ରେଲୱେ କର୍ତ୍ତୃପକ୍ଷ କାମାକ୍ଷାନଗର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ କାମାକ୍ଷାନଗର ପୋଲିସ ଢେଙ୍କାନାଳ ରେଲୱେ ପୋଲିସ ସହାୟତାରେ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଛି । ଆଜି ସମ୍ପୃକ୍ତ କବାଡି ଦୋକାନରେ ଏକ ଟ୍ରକରେ ମାଲ ଗୁଡିକ ଲୋଡ଼ ହେଉଥିବା ବେଳେ ପୋଲିସ ରେଡ଼ କରିଥିଲା । ଚଢ଼ାଉ ବେଳେ ଟ୍ରକରୁ ରେଲୱେ ଟ୍ରାକର କ୍ଲିପ ଓ ଇଂଜିନିୟରିଂ ମେଟାଲକୁ ଜବତ କରିଛି । ଗିରଫ ପରେ ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି କହିଛି ରେଲୱେ ପୋଲିସ ।
Comments are closed.