ଝାରସୁଗୁଡ଼ା : ବିପୁଳ ପରିମାଣର ନକଲି ବିଦେଶୀ ମଦ ଜବତ ସହ ୨ ଜଣଙ୍କୁ ଗିରଫ କରିଛି ଅବକାରୀ ବିଭାଗର ସ୍ବତନ୍ତ୍ର ସ୍କ୍ବାଡ । ମାମଲାରେ ସଂପୃକ୍ତ ଥିବା ଅନ୍ୟ ଜଣେ ଫେରାର ଥିବା ସୂଚନା ଦେଇଛି ସ୍ବତନ୍ତ୍ର ସ୍କ୍ବାଡ । ବ୍ରଜରାଜନଗର ତେଲେନପାଲି ନିକଟସ୍ଥ ଗଣେଶନଗର ଅଞ୍ଚଳରେ ନକଲି ମଦ କାରଖାନା ଚାଲୁଥିବା ସଂପର୍କରେ ସୂଚନା ପାଇଁ ଚଢ଼ାଉ କରିଥିଲା ସମ୍ବଲପୁର ଅବକାରୀ ବିଭାଗର ସ୍ବତନ୍ତ୍ର ସ୍କ୍ବାଡ । ଚଢ଼ାଉ ବେଳେ ଗଚ୍ଛିତ ଥିବା ୨୦୦ ବୋତଲ ବିଭିନ୍ନ ବ୍ରାଣ୍ତର ନକଲି ମଦ ଜବତ କରିଥିଲା ସ୍ବତନ୍ତ୍ର ସ୍କ୍ବାଡ ।
ଜବତ ହୋଇଥିବା ଏହି ନକଲି ମଦ ଅରୁଣାଚଳ ପ୍ରଦେଶ ଓ ଝାଡଖଣ୍ଡ ଅଞ୍ଚଳରୁ ଆସୁଥିଲା । ମାମଲାରେ ନକଲି ମଦ ପ୍ରସ୍ତୁତ କରୁଥିବା ଦୁଇ ଭାଇ ଶିବ କୁମାର ସଁରା ଓ ସରୋଜ କୁମାର ସଁରାକୁ ଗିରଫ କରି କୋର୍ଟ ଚାଲାଣ କରାଯାଇଛି । ସେହିପରି ଗିରଫ ଦୁଇ ଅଭିଯୁକ୍ତଙ୍କ ବାପା ଘଟଣାସ୍ଥଳରୁ ଫେରାର ହୋଇଯାଇଛି । ଘଟଣାରେ ସଂପୃକ୍ତ ଥିବା ଅନ୍ୟ ଅଭିଯୁକ୍ତଙ୍କ ବିଷୟରେ ସୂଚନା ମିଳିଛି । ଖୁବଶୀଘ୍ର ସେମାନଙ୍କ ଗିରଫ କରାଯିବ ବୋଲି ସୂଚନା ଦେଇଛନ୍ତି ଅବକାରୀ ଅଧିକାରୀ ।
Comments are closed.