ଭୁବନେଶ୍ୱର: ଚଳିତବର୍ଷ ଟି୨୦ କ୍ରିକେଟ୍ ବିଶ୍ୱକପରେ ଲଢୁଆ ଖେଳ ପ୍ରଦର୍ଶନ ଜାରି ରଖିଛି ଆଫଗାନିସ୍ତାନ ଦଳ । ଦେଶ ଉପରେ ତାଲିବାନର କବ୍ଜା ପରେ ବି ଦୃଢ ମନୋବଳ ନେଇ ପଡିଆକୁ ଓହ୍ଲାଉଛନ୍ତି ଏହି ନିର୍ଭୀକ ଦଳ । ହେଲେ ଏହି ଦଳକୁ ନେଇ ଏକ ବିରାଟକାୟ ପ୍ରଶ୍ନବାଚୀ ସୃଷ୍ଟି ହୋଇଛି ।ଖାସ କରି ଦଳର ପ୍ରାୟୋଜକକୁ ନେଇ ସୋସିଆଲ ମିଡିଆରେ ନାନା କଳ୍ପନାଜଳ୍ପନା ଜାରି ରହିଛି ।
ଆଫଗାନିସ୍ତାନ କ୍ରିକେଟ ଦଳକୁ ଆର୍ଥିକ ସହାୟତା ଦେବାକୁ ମନା କରିବା ପରେ କ୍ରିକେଟର୍ ମହମ୍ମଦ ନବି ନିଜ ଖର୍ଚ୍ଚରେ ଦଳକୁ ବିଶ୍ୱକପରେ ଖେଳାଇବାକୁ ଆଣିଛନ୍ତି । ସୋସିଆଲ ମିଡିଆରେ ଏକାଧିକ ପୋଷ୍ଟ କିଛି ଏପରି ଦାବି କରିଛି । ତେବେ ସତ କ’ଣ ତାହା ଏବେ ବି ଅଧିକାଂଶ ଲୋକେ ଜାଣିପାରିନାହାଁନ୍ତି ।
ଭାଇରାଲ୍ ପୋଷ୍ଟର ସତ୍ୟତା ଜାଣିବା ଲାଗି ଖୋଳତାଡ ଆରମ୍ଭ କରିଥିଲା ଟିମ୍ ଭାଇରାଲ୍ ପୋଷ୍ଟମୋର୍ଟମ୍ । ବହୁ ଖୋଳତାଡ ପରେ ଆମେ ଆଫଗାନିସ୍ତାନ କ୍ରିକେଟ ବୋର୍ଡର ଏକ ପୁରୁଣା ଟୁଇଟ୍ ଖୋଜି ପାଇଥିଲୁ । ଏହି ଟୁଇଟରେ ଆଫଗାନିସ୍ତାନର ପ୍ରାୟୋଜକ ଭାବେ ସେଡିକି ଗ୍ରୁପର ନାଁ ଉଲ୍ଲେଖ ରହିଥିଲା । ଅକ୍ଟୋବର ୧୪ରେ ଏହି ଟୁଇଟ ହୋଇଥିଲେ ହେଁ ଲୋକେ କିନ୍ତୁ ମହମ୍ମଦ ନବିଙ୍କୁ ଆଫଗାନିସ୍ତାନ ଦଳର ପ୍ରାୟୋଜକ ଭାବୁଥିଲେ ।
#SedikiGrup officially secures the Afghan National team’s Sponsorship rights for the ICC T20 World Cup 2021. Having won as the highest bidder with $450,000.00 Sidiki Grup is the official sponsor of the Afghanistan National Team.
More about SG: https://t.co/XlxtLF2TzJ pic.twitter.com/8Z4kJ6IDjd— Afghanistan Cricket Board (@ACBofficials) October 14, 2021
ନାନା ସମସ୍ୟା ଦେଇ ଗତି କରୁଥିବା ଆଫଗାନିସ୍ତାନ ବିଶ୍ୱକପ ଅଭିଯାନରେ ସ୍କଟଲ୍ୟାଣ୍ଡ ଓ ନାମିବିଆ ଭଳି ଦଳକୁ ପରାଜିତ କରିଛି । ଏହି ସପଳତାକୁ ନେଇ ତାଲିବାନର ପ୍ରବକ୍ତା ସୁହୈଲ ସାହୀନ ମଧ୍ୟ ଅକ୍ଟୋବର ୩୧ ତାରିଖରେ ଏକ ଟୁଇଟ୍ ଜରିଆରେ ଆଫଗାନିସ୍ତାନ କ୍ରିକେଟ ଦଳକୁ ଅଭିନନ୍ଦନ ଜଣାଇଥିଲେ ।
Champions of the Afghanistan’s Cricket Team won by great difference against Namibia in World Twenty20. Congratulations to you heroes and all the Afghan nation .
Wishing you more success!— Suhail Shaheen. محمد سهیل شاهین (@suhailshaheen1) October 31, 2021
ଏହି ସମସ୍ତ ପ୍ରମାଣ ସ୍ପଷ୍ଟ କରିଛି ଯେ, ଆଫଗାନିସ୍ତାନ କ୍ରିକେଟ ଦଳକୁ କେବେ ହେଲେ ତଲିବାନ ବିରୋଧ କରିନାହିଁ । ଅନ୍ୟପଟେ ମହମ୍ମଦ ନବି ନୁହେଁ ବରଂ ସେଡିକି ଗ୍ରୁପ ନାମକ ତୁର୍କୀର ଏକ କମ୍ପାନୀ ଟି୨୦ ବିଶ୍ୱକପରେ ଆଫଗାନିସ୍ତାନର ପ୍ରାୟୋଜକ ସାଜିଛି ।
Comments are closed.