ମୁମ୍ବାଇ: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ସ୍ଥାନୀୟ ପୋଲିସ ଅଟକ ରଖିଛି । ଏନସିପି ନେତା ନୱାବ ମଲିକଙ୍କ ଇସ୍ତଫା ଦାବୀରେ ଆଜାଦ ମୈଦାନରୁ ବିଜେପି ପକ୍ଷରୁ ଫଡନାଭିସଙ୍କ ନେତୃତ୍ୱରେ ଏକ ଶୋଭାଯାତ୍ରା ବାହାର କରାଯାଇଥିଲା । ପୋଲିସ ସେମାନଙ୍କୁ ମେଟ୍ରୋ ଜଙ୍କସନରୁ ଉଠାଇ ନେଇଥିଲା । ନୱାବଙ୍କୁ ଇଡି ମନି ଲଣ୍ଡ୍ରଂ ମାମଲାରେ ଗିରଫ କରିଛି । ଏପରିକି ଅଣ୍ଡରୱାର୍ଲ୍ଡ ଡନ ଦାଉଦ ଇବ୍ରାହିମଙ୍କ ସମ୍ପର୍କୀୟଙ୍କ ସହ ତାଙ୍କର ସମ୍ପର୍କ ଥିବା ଇଡି ପକ୍ଷରୁ ପଚରାଉଚରା ବେଳେ ଜଣାପଡିଛି ।
ଏହି ଘଟଣାରେ ଦାଉଦଙ୍କ ଭାଇ ଇକବାଲ କାସକରଙ୍କୁ ମଧ୍ୟ ପୋଲିସ ଗିରଫ କରିଛି । ବିଜେପିର ତୁଙ୍ଗ ନେତାଙ୍କୁ ପୋଲିସ ଅଟକ ରଖିବା ଯୋଗୁ କର୍ମୀମାନଙ୍କ ମଧ୍ୟରେ ଉତେଜନା ପ୍ରକାଶ ପାଇଛି ।
Comments are closed.