ପୁରୀ: ପୁରୀ ବାସୀଙ୍କ ପାଇଁ ଖୁସିଖବର । ଆଜିଠୁ ପୁରୀରେ ଦୁଇଟି ରୁଟରେ ଚାଲିବ ’ମୋ ବସ୍’ । ପୁରୀ ସହରବାସୀ ଏବଂ ପର୍ଯ୍ୟଟକଙ୍କୁ ସୁବିଧାରେ ଯାତାୟତ ସେବା ଯୋଗାଇବାକୁ ସହର ମଧ୍ୟରେ ମୋ ବସ୍ ସେବା ଆରମ୍ଭ କରାଯାଉଛି । ପ୍ରାଥମିକ ପର୍ଯ୍ୟାୟରେ ସହର ମଧ୍ୟରେ ଦୁଇଟି ରୁଟରେ ମୋ ବସ୍ ଚଳାଚଳ କରିବ ।
ବଳିଆପଣ୍ଡା ରୋଡ୍ ଓ ଷ୍ଟେସନକୁ ସଂଯୋଗ କରିବ ମୋ ବସ୍ । ଆଗକୁ ରୁଟ୍ ସଂଖ୍ୟା ବଢାଯିବା ସହ ଅନ୍ୟ ସହରରୁ ବି ପୁରୀକୁ ସିଧାସଳଖ ’ମୋ ବସ’ ଚଳାଚଳ କରାଯିବା ନେଇ ନିଷ୍ପତ୍ତି ନିଆଯିବ ବୋଲି କ୍ରୁଟ ପକ୍ଷରୁ ସୂଚନା ଦିଆଯାଇଛି ।
ବର୍ତ୍ତମାନ ପୁରୀ ସହର ମଧ୍ୟରେ ଯେଉଁ ଦୁଇଟି ରୁଟରେ ବସ୍ ଚାଲିବ ତାହାର ଟାଇମିଂ ସୋସିଆଲ ମିଡିଆ ଓ ଅଫିସିଆଲ ଓ୍ବେବସାଇଟ ମାଧ୍ୟମରେ ଅବଗତ କରାଯିବ । ପୂବର୍ରୁ ଭୁବନେଶ୍ୱରରୁ ପୁରୀକୁ ୬ଟି ମୋ ବସ୍ ଯାତାୟତ କରୁଥିଲା । ତେବେ ବର୍ତ୍ତମାନ ପୁରୀ ସହର ମଧ୍ୟରେ ଯାତ୍ରୀଙ୍କୁ ସେବା ଯୋଗାଇବାକୁ ଏହି ପଦକ୍ଷେପ ଗ୍ରହଣ କରାଯାଇଛି ।
Comments are closed.