ଭୁବନେଶ୍ୱର : ନକଲି ଡାକ୍ତର ରମେଶ ସ୍ୱାଇଁଙ୍କ ପତ୍ନୀ ଗିରଫ । ରମେଶ ସ୍ୱାଇଁଙ୍କ ଦ୍ୱିତୀୟ ପତ୍ନୀ କମଳାଙ୍କୁ ଝାଡଖଣ୍ଡରୁ ଗିରଫ କରିଛି କମିଶନରେଟ ପୋଲିସ । ବହୁ ଚର୍ଚ୍ଚିତ ଠକେଇ ମାମଲାର ମାଷ୍ଟର ମାଇଣ୍ଡ ଥିଲେ କମଳା । କମଳାଙ୍କୁ ରିମାଣ୍ଡରେ ଆଣିବାକୁ କମିଶନରେଟ ପୋଲିସ ଯୋଜନା କରୁଛି । ରମେଶଙ୍କୁ ରିମାଣ୍ଡରେ ଆଣି ପଚାର ଉଚରା କରିବା ପରେ କମଳା ବିରୋଧରେ ପ୍ରମାଣ ମିଳିଥିଲା।
ସୂଚନା ଅନୁସାରେ ଡାକ୍ତର ରମେଶ ସ୍ୱାଇଁ ମିଛ କଥା କହି ୧୮ ରୁ ଅଧିକ ମହିଳାଙ୍କୁ ବିବାହ କରିଥିଲେ । ବିଭିନ୍ନ ରାଜ୍ୟର ଶିକ୍ଷିତ ମହିଳା ମାନଙ୍କୁ ବିବାହ କରି ତାଙ୍କଠାରୁ ଲକ୍ଷ ଲକ୍ଷ ଟଙ୍କା ଆତ୍ମସାତ କରିଥିଲେ ରସିକିଆ ଡାକ୍ତର ରମେଶ ସ୍ୱାଇଁ । ଅନେକ ପତ୍ନୀଙ୍କୁ ଧୋକା ମଧ୍ୟ ଦେଇଛନ୍ତି ରମେଶ ।
୭ ନମ୍ବର ପତ୍ନୀ ଥାନାରେ ଅଭିଯୋଗ କରିବା ପରେ ରମେଶଙ୍କୁ ମହିଳା ଥାନା ପୋଲିସ ଗିରଫ କରିଥିଲା । ରମେଶଙ୍କ ଠାରୁ ସତ ସାମ୍ନାକୁ ଆଣିବା ପାଇଁ ବହୁ ଚେଷ୍ଟା କରୁଛି ପୋଲିସ ।ହେଲେ ରମେଶ ତଦନ୍ତରେ ସହଯୋଗ କରୁନଥିବା ଶୁଣିବାକୁ ମିଳିଛି।
Comments are closed.