ମୁମ୍ବାଇ: ବଲିଉଡ଼ର ଭାଇଜାନ୍ ମାନେ ସଲମାନ୍ ଖାନ ୫୩ ବର୍ଷ ବୟସରେ ମଧ୍ୟ ଏକ ବଲିଉଡ଼ ରେକର୍ଡ଼ ଭାଙ୍ଗିଛନ୍ତି । କାଟ୍ରିନା କୈଫ ଓ ସଲମାନଙ୍କ ଅଭିନୀତ ଫିଲ୍ମ ‘ଭାରତ’ କେବଳ ଇଦ୍ ଦିନ ହିଁ ୪୨.୩୦ କୋଟି ବ୍ୟବସାୟ କରି ଏକ ନୂଆ ରେକର୍ଡ଼ ସୃଷ୍ଟି କରିଛି ।
ଇଦ୍ ବ୍ଲକବଷ୍ଟର୍ ଭାରତ ରିଲିଜରେ ସଲ୍ଲୁ ମିଆଁ ନିଜ ଓପନିଂ ଡ଼େ କଲେକ୍ସନ ରେକର୍ଡ଼ ଭାଙ୍ଗିବାକୁ ସକ୍ଷମ ହୋଇଛନ୍ତି । ଏହି ବୟସରେ ସଲମାନଙ୍କ କରିସ୍ମାର ବେଶ୍ ପ୍ରଶଂସା କରିବାକୁ ପଛେଇ ନାହାନ୍ତି ବଲିଉଡ଼ର ନାମୀ ଦାମୀ ଆକ୍ଟର୍ ଓ ଆକ୍ଟ୍ରେସ ।
ଭାଇଜାନଙ୍କ ଯେଉଁ କେତେଗୁଡ଼ିଏ ଫିଲ୍ମ ଓପନିଂ ଡ଼େ’ରେ ପୂର୍ବରୁ ଅଧିକ ବ୍ୟବସାୟ କରିପାରିଥିଲା ସେହି ଫିଲ୍ମ ଗୁଡ଼ିକ ହେଲା – ଟାଇଗର୍ ଜିନ୍ଦା ହୈ (୩୪.୧୦ କୋଟି), ସୁଲତାନ୍ (୩୬.୫୪ କୋଟି) ଟଙ୍କା । ମାତ୍ର ଇଦ୍ ଦିନ ରିଲିଜ୍ ହୋଇଥିବା ସଲ୍ଲୁମିୟାଁଙ୍କ ଫିଲ୍ମ ଭାରତ ଏସବୁ ରେକର୍ଡ଼ ଭାଙ୍ଗି ଗୋଟିଏ ଦିନରେ ୪୨.୩୦ କୋଟି ଟଙ୍କାର ବେପାର କରିପାରିଛି ।
Salman Khan and #Eid… *Day 1* biz
2010: #Dabangg ₹ 14.50 cr
2011: #Bodyguard ₹ 21.60 cr
2012: #ETT ₹ 32.93 cr
2014: #Kick ₹ 26.40 cr
2015: #BajrangiBhaijaan ₹ 27.25 cr
2016: #Sultan ₹ 36.54 cr
2017: #Tubelight ₹ 21.15 cr
2018: #Race3 ₹ 29.17 cr
2019: #Bharat ₹ 42.30 cr— taran adarsh (@taran_adarsh) June 6, 2019
ଭାଇଜାନଙ୍କ ସହିତ ଏହି ଫିଲ୍ମରେ କାଟ୍ରିନା କୈଫ, ତବୁ, ଜ୍ୟାକି ସ୍ରଫ୍ , ଦୀଶା ପଟାନି ଏବଂ ସୁନୀଲ୍ ଗ୍ରୋଭର୍ ଅଭିନୟ କରିଛନ୍ତି । ଫିଲ୍ମର ନିର୍ଦ୍ଦେଶକ ଅଲ୍ଲୀ ଆବାସ୍ ଜାଫର୍ ଫିଲ୍ମ ଆହୁରି ଅଧିକ ଭଲ ବ୍ୟବସାୟ କରିପାରିବ ବୋଲି ଆଶା କରିଛନ୍ତି ।
ତେବେ ଯାହାବି ହେଉ, ବଲିଉଡ଼ରେ ଅନେକ ନୂଆ କଳାକାର ନିଜ ନିଜ ଯାଗାକୁ ଜମେଇ ସାରିଥିବା ବେଳେ ଭାଇଜାନଙ୍କ ପରି ଭେଟେରାନ୍ ଆକ୍ଟର୍ ଏବୟସରେ ବି ବେଶ୍ କମାଲ୍ କରୁଛନ୍ତି ।
ଏବେ ଭାଇଜାନଙ୍କ ଖୁସି କହିଲେ ନ’ସରେ ।
ଭାରତର ସଫଳତା ପରେ ଆହୁରି ଅନେକ ଫିଲ୍ମର ଅଫର୍ ପାଇଛନ୍ତି ବଲିଉଡ଼ର ଷ୍ଟାଇଲିଷ୍ଟ ଆକ୍ଟର୍ ସଲମାନ୍ ଖାନ ।