[ଶୁଣନ୍ତୁ] ଦିନର ଟପ୍ ହେଡଲାଇନ୍ସ

ମୁଖ୍ୟ ଖବର

By ଓଡ଼ିଶା ସମ୍ବାଦ ବ୍ୟୁରୋ On Jul 4, 2022

. ଫ୍ଲୋର୍‌ ଟେଷ୍ଟ୍‌ରେ ଜିତିଲେ ସିନ୍ଧେ ସରକାର । ମହାରାଷ୍ଟ୍ର ବିଧାନସଭା ଫ୍ଲୋର୍‌ ଟେଷ୍ଟ୍‌ରେ ସିନ୍ଧେ ସରକାର ନିଜ ଶକ୍ତି ପ୍ରମାଣିତ କରି ଜିତିଛନ୍ତି । ଆଜି ବିଧାନସଭାରେ ହୋଇଥିବା ଭୋଟିଂରେ ସିନ୍ଧେଙ୍କ ନେତୃତ୍ୱ ସରକାର ମ୍ୟାଜିକ୍ ନମ୍ବର ହାସଲ କରିଛନ୍ତି। ସିନ୍ଧେଙ୍କ ସପକ୍ଷରେ ପଡ଼ିଥିଲା ୧୬୪ଟି ଭୋଟ୍।
. ବିଧାନସଭା ମୌସୁମୀ ଅଧିବେଶନର ଦ୍ୱିତୀୟ ଦିନ ଆରମ୍ଭରୁ ବିରୋଧୀଙ୍କ ହଟ୍ଟଗୋଳ l ରାଜ୍ୟରେ ୩ ବର୍ଷରେ ୧୦ ହଜାର ୧୨୯ ଦୁଷ୍କର୍ମ ମାମଲାରେ ଗୃହରେ ତୁମ୍ବି ତୋଫାନ ସୃଷ୍ଟି ହୋଇଥିଲା । ଏହି ପ୍ରସଂଗରେ ଗୃହରେ ଉତ୍ତର ରଖିଛନ୍ତି ଗୃହରାଷ୍ଟ୍ର ମନ୍ତ୍ରୀ l ସେହିପରି ରୁଚିକା ଆତ୍ମହତ୍ୟା ମାମଲା ଓ ମମିତା ହତ୍ୟାକାଣ୍ଡ ପ୍ରସଙ୍ଗରେ ମଧ୍ୟ ଗୃହରେ ହଟ୍ଟଗୋଳ ସୃଷ୍ଟି ହୋଇଥିଲା।
. ଆଜିଠୁ ଭିଜିବ ସାରା ଓଡ଼ିଶା l ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ । ଏହାର ପ୍ରଭାବରେ ୪ରୁ ୫ଦିନ ଯାଏ ଓଡ଼ିଶାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି l ବର୍ଷାକୁ ଦୃଷ୍ଟିରେ ରଖି ୧୭ ଜିଲ୍ଲାକୁ ୟେଲୋ ଓ ୫ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରିଛି ପାଣିପାଗ ବିଭାଗ।
. ବର୍ଷା ଅନୁଭବ ବିବାହ ବିଚ୍ଛେଦ ମାମଲାରେ କଟକ ଫ୍ୟାମିଲି କୋର୍ଟରେ ହାଜର ହୋଇଛନ୍ତି ସାଂସଦ ତଥା ଅଭିନେତା ଅନୁଭବ ମହାନ୍ତି । କୋର୍ଟରେ ସାକ୍ଷ୍ୟ ପ୍ରଦାନ କରିଛନ୍ତି ଅନୁଭବ । ୫ ଓ ୬ ତାରିଖ ଯାଏଁ ଚାଲିବ ସାକ୍ଷ୍ୟ ଗ୍ରହଣ ପ୍ରକ୍ରିୟା ।
. ଆସନ୍ତା ଜୁଲାଇ ୬ରେ ପ୍ରକାଶ ପାଇବ ମାଟ୍ରିକ୍ ରେଜଲ୍ଟ । ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ୍ । ଗତ ୨ ବର୍ଷ ହେଲା କରୋନା ଯୋଗୁଁ ଅଫଲାଇନ୍‌ ପରୀକ୍ଷା ହୋଇପାରି ନ ଥିବା ବେଳେ ଚଳିତ ବର୍ଷ ଅଫଲାଇନ୍‌ ପରୀକ୍ଷା ହୋଇଥିଲା । ଚଳିତ ବର୍ଷ ୫ ଲକ୍ଷ ୨୮ ହଜାର ଛାତ୍ରଛାତ୍ରୀ ମାଟ୍ରିକ ପରୀକ୍ଷା ଦେଇଥିଲେ ।
. ଦେଶରେ ପୁଣି ଚିନ୍ତା ବଢାଇଲାଣି କରୋନା l ଗତ ସପ୍ତାହକ ମଧ୍ୟରେ ୧ ଲକ୍ଷ ନୂଆ ଆକ୍ରାନ୍ତ ଚିହଟ ହୋଇଛନ୍ତି l ମୃତ୍ୟ ସଂଖ୍ୟା ୫୪ ପ୍ରତିଶତ ବୃଦ୍ଧି ହୋଇଛି l ଜୁନ୍ ୨୭ରୁ ଜୁଲାଇ ୩ ମଧ୍ୟରେ ୧୯୨ ଜଣଙ୍କର ମୃତ୍ୟୁ ହୋଇଛି ।
. ବିଜେବି କଲେଜ ଛାତ୍ରୀ ରୁଚିକା ମହାନ୍ତି ଆତ୍ମହତ୍ୟା ଘଟଣାରେ କଲେଜ ପକ୍ଷରୁ ତଦନ୍ତ ପାଇଁ ଗଠନ ହୋଇଛି ୬ ଜଣିଆ ଇନକ୍ୱାରୀ ଟିମ୍ । ଯେଉଁଥିରେ ଆଣ୍ଟି ରାଗିଂ କମିଟି, ଶୃଙ୍ଖଳା କମିଟି ଓ ସମସ୍ତ ବିଭାଗର ଅଧ୍ୟାପକ ସାମିଲ୍ ଅଛନ୍ତି । ରାଗିଂ ନେଇ ରୁଚିକା ପୂର୍ବରୁ କୌଣସି ଅଭିଯୋଗ କରିନଥିଲେ । ସେପଟେ ଘଟଣା ପ୍ରତିବାଦରେ କଲେଜ ଫାଟକ ଆଗରେ ବସିଛନ୍ତି ରୁଚିକାଙ୍କ ପରିବାର ଲୋକ ଓ କିଛି ଛାତ୍ର ସଂଗଠନ ।
. ଜନ୍ମବେଦୀରେ ଚାଲିଛି ମହାପ୍ରଭୁଙ୍କ ଲୀଳାଖେଳା । ଆଡ଼ପ ମଣ୍ଡପରେ ଚାଲିଛି ଶ୍ରୀଜିଉଙ୍କ ନୀତିକାନ୍ତି । ଆଜି ଆଷାଢ଼ ଶୁକ୍ଳ ପଞ୍ଚମୀ ତିଥିରେ ଅନୁଷ୍ଠିତ ହେବ ବନକଲାଗି ନୀତି । ଦ୍ୱିତୀୟ ଭୋଗମଣ୍ଡପ ପରେ ଶ୍ରୀଜିଉଙ୍କ ଏହି ଗୁପ୍ତ ନୀତି କରାଯିବ। ମହାପ୍ରଭୁଙ୍କ ଶ୍ରୀମୁଖ ଶୃଙ୍ଗାର କରିବେ ଦତ୍ତମହାପାତ୍ର ସେବକ ।
. ହିମାଚଳପ୍ରଦେଶ କୁଲୁରେ ଘାଟିରୁ ଖସିଲା ବସ୍ । ଫଳରେ ୧୬ ଯାତ୍ରୀଙ୍କ ମୃତ୍ୟୁ ହୋଇଛି । ଏହା ସହ ଏକାଧିକ ଆହତ ମଧ୍ୟ ହୋଇଛନ୍ତି । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି l ଘଟଣାସ୍ଥଳରେ ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି । ବସରେ ୪୫ରୁ ଊର୍ଦ୍ଧ୍ୱ ଯାତ୍ରୀ ଥିବା ବେଳେ ଅନେକ ସ୍କୁଲ ଛାତ୍ର ରହିଥିଲେ ।
. ଡେନମାର୍କ ରାଜଧାନୀ କପେନହେଗେନର ଏକ ସପିଂ ମଲରେ ଅାଖିମୁଜା ଗୁଳିମାଡ l ଫଳରେ ୩ଜଣ ପୋଲିସ ମୃତ୍ୟୁବରଣ କରିଛନ୍ତି l ଘଟଣାସ୍ଥଳରୁ ଜଣଙ୍କୁ ଗିରଫ କରାଯାଇଛି ଏବଂ ଅଧିକ ତଦନ୍ତ ଜାରି ରହିଛି।
ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ l ଇଟାଲୀର ଆଲପାଇନ୍ ଗ୍ଲାସିୟରର ଏକ ଖଣ୍ଡ ଭାଙ୍ଗିଯାଇଛି। ଫଳରେ ଅତିକମରେ ୫ ଜଣ ପ୍ରାଣ ହରାଇଥିବା ଆଶଙ୍କା କରାଯାଉଛି । ଆହୁରି ମଧ୍ୟ ୮ ଜଣ ଗୁରୁତର ହୋଇଛନ୍ତି । . ଇଂଲଣ୍ଡ ଗସ୍ତରେ ଥିବା ଟିମ୍ ଇଣ୍ଡିଆ ପାଇଁ ଖୁସି ଖବର । ଭାରତୀୟ ଦଳର ନିୟମିତ ଅଧିନାୟକ ରୋହିତ ଶର୍ମା କରୋନାରୁ ସୁସ୍ଥ ହୋଇଛନ୍ତି । ରବିବାର ରୋହିତଙ୍କ କରୋନା ରିପୋର୍ଟ୍ ନେଗେଟିଭ୍ ଆସିଛି । ଏହାପରେ ସେ ଅଭ୍ୟାସ ପାଇଁ ମଇଦାନକୁ ଓହ୍ଲାଇଛନ୍ତି ।
ମୋତେ ଭୁଲରେ ଦାୟିତ୍ୱ ମିଳିଥିଲା , ରାହୁଲ ଦ୍ରାବିଡ ଟିମ୍କୁ ନୂଆ ଶିଖରରେ ପହଞ୍ଚାଇବେ ବୋଲି କହିଛନ୍ତି ପୂର୍ବତନ କୋଚ୍ ରବି ଶାସ୍ତ୍ରୀ। ରାହୁଲ –ରୋହିତଙ୍କ ଯୋଡି ବିଶ୍ୱକପରେ ଭଲ ପ୍ରଦର୍ଶନ କରିବ ବୋଲି ଆଶା ରହିଥିବା ସେ ପ୍ରତ୍ରିକିୟା ଦେଇଛନ୍ତି।
‘ମହାଭାରତ’କୁ ନେଇ ରାଜାମୌଲିଙ୍କ ବଡ ଆନାଉନ୍ସମେଣ୍ଟ, ଡ୍ରିମ୍‌ ପ୍ରୋଜେକ୍ଟକୁ ନେଇ କହିଲେ ପ୍ଲାନ, ଏହି ବିଗ୍ ବଜେଟ୍ ପ୍ରୋଜେକ୍ଟକୁ ବଡ଼ ପରଦାରେ ଉପସ୍ଥାପନ କରିବାକୁ ଆଗେଇ ଆସିଛନ୍ତି । ସିନେମା ଇତିହାସରେ ସବୁଠାରୁ ମହଙ୍ଗା ଚଳଚ୍ଚିତ୍ର ହେବ
‘ଶେହଜାଦା’ର ଶୁଟିଂ ଆରମ୍ଭ କଲେ କାର୍ତ୍ତିକ୍‌, କ୍ରିତିଙ୍କ ସହ ଆକ୍ସନ୍‌ ଅନ୍ଦାଜ୍‌ରେ ଆସିବେ ନଜର । ଅଭିନେତା ତାଙ୍କ ପୋଷ୍ଟରେ ‘ଶେହଜାଦା’ ସହ ଜଡିତ ଏକ ଅପଡେଟ୍ ସେୟାର କରିଛନ୍ତି । କାର୍ତ୍ତିକ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ସୁଟିଂ ସେଟରୁ ନିଜର ଏକ ଫଟୋ ସେୟାର କରିଛନ୍ତି।

top headlines