କୋଲକାତା: ମୁଖତାର ଅବାସ ନକଭି ବେଙ୍ଗଲର ନୂତନ ରାଜ୍ୟପାଳ ହେବା ନେଇ ଚର୍ଚ୍ଚା ଜୋର ଧରିଛି । ବିଧିବଦ୍ଧ ଭାବେ କୌଣସି ଘୋଷଣା କରାଯାଇ ନ ଥିଲେ ମଧ୍ୟ ବିଜେପି ଏମପି ହଂସରାଜ ହଂସ ବେଙ୍ଗଲର ରାଜ୍ୟପାଳ ହେବା ନେଇ ନକଭିଙ୍କୁ ଟୁଇଟରରେ ଅଭିନନ୍ଦନ ଜଣାଇଥିଲେ । ଅବଶ୍ୟ ଏହାର କିଛି ସମୟ ପରେ ସେ ଏହି ଟୁଇଟ ଡିଲିଟ କରି ଦେଇଥିଲେ । ଏହାକୁ ନେଇ ସେ ରାଜ୍ୟପାଳ ହେବାକୁ ଯାଉଛନ୍ତି ବୋଲି ପୂର୍ବାନୁମାନ କରାଯାଉଛି । ସୂଚନାଯୋଗ୍ୟ, ବେଙ୍ଗଲର ପୂର୍ବ ରାଜ୍ୟପାଳ ଜଗଦୀପ ଧନଖଡ ଏନଡିଏର ଉପରାଷ୍ଟ୍ରପତି ପ୍ରାର୍ଥୀ ହୋଇଛନ୍ତି । ତାଙ୍କ ସ୍ଥାନରେ ନକଭିଙ୍କୁ ଏହି ଗୁରୁ ଦାୟିତ୍ୱ ପ୍ରଦାନ କରାଯିବା ନେଇ ସମ୍ଭାବନା ବ୍ୟକ୍ତ କରାଯାଇଛି । ନକଭିଙ୍କୁ ମଧ୍ୟ କିଛି ଦିନ କ୍ୟାବିନେଟ ମନ୍ତ୍ରୀ ପଦରୁ ଇସ୍ତଫା ଦେବା ପାଇଁ କୁହା ଯାଇଥିଲା । ଏବେ ମଣିପୁରର ରାଜ୍ୟପାଳ ଲା ଗଣେଶନଙ୍କୁ ବେଙ୍ଗଲ ଦାୟିତ୍ୱ ସାମୟିକ ଭାବେ ପ୍ରଦାନ କରାଯାଇଛି । ବିଜେପି ଯଦି ନକଭିଙ୍କୁ ବେଙ୍ଗଲ ରାଜ୍ୟପାଳ କରେ ତାହାହେଲେ ଏହା ଆଉ ଏକ ମାଷ୍ଟର ଷ୍ଟ୍ରୋକ ହେବ ବୋଲି କୁହାଯାଉଛି ।
Comments are closed.