କଲମ୍ବୋ: ଶ୍ରୀଲଙ୍କା କ୍ରିକେଟ ବୋର୍ଡ ବର୍ତମାନ ପରିସ୍ଥିତିରେ ଏସିଆ କପ ଆୟୋଜନ କରିବା ସମ୍ଭବପର ନୁହେଁ ବୋଲି ଏସିଆନ କ୍ରିକେଟ କାଉନସିଲକୁ ବିଧିବଦ୍ଧ ଭାବେ ଜଣାଇ ଦେଇଛି । ଶ୍ରୀଲଙ୍କାରେ ଆର୍ଥୀକ ଓ ରାଜନୈତିକ ସଙ୍କଟ ଚାଲିଛି । ଦେଶରେ ଅସ୍ଥିରତା ଲାଗି ରହିଥିବା ବେଳେ ଏତେ ବଡ ଟୁର୍ଣ୍ଣାମେଂଟ ଆୟୋଜନ ସ୍ଥିତିରେ ଆମେ ନାହୁଁ ବୋର୍ଡ ପକ୍ଷରୁ କୁହାଯାଇଛି । ଶ୍ରୀଲଙ୍କା ବଦଳରେ କେଉଁ ଦେଶ ଏହାକୁ ଆୟୋଜନ କରିବ ତାହା ଖୁବ ଶୀଘ୍ର ଏସିସି ପକ୍ଷରୁ ଘୋଷଣା କରାଯିିବ । ଭାରତ ଓ ୟୁଏଇ ଏହି ଦୌଡରେ ଆଗରେ ରହିଛନ୍ତି । ଏସିଆ କପ କ୍ରିକେଟରେ ୬ ଦେଶ ଭାଗ ନେବେ । ଭାରତ, ଶ୍ରୀଲଙ୍କା, ପାକିସ୍ତାନ, ବାଂଲାଦେଶ, ଆଫଗାନିସ୍ତାନ ନାମ ଚୂଡାନ୍ତ ଥିବା ବେଳେ ହଂକଂ, କୁଏଟ, ସିଙ୍ଗାପୁର ଓ ୟୁଏଇ ମଧ୍ୟରୁ ଗୋଟିଏ ଟିମ କ୍ୱାଲିଫାୟର ମାଧ୍ୟମରେ ସାମିଲ ହେବ । ଏଥର ଟି୨୦ ଫର୍ମାଟରେ ଏସିଆ କପ ଖେଳାଯିବ । ଦୀର୍ଘ ଦିନ ପରେ ଭାରତ ଏବଂ ପାକିସ୍ତାନ ମଧ୍ୟରେ ମୁକାବିଲା ହେବା ସମ୍ଭାବନା ସୃଷ୍ଟି ହୋଇଛି ।
Comments are closed.