୨୪ ଅଗଷ୍ଟରେ ରିଲିଜ ହେବ ଲାଇଗରର ହିନ୍ଦୀ ଭର୍ସନ

ମୁମ୍ବାଇ: ବିଜୟ ଦେବରକୋଣ୍ଡା ଓ ଅନନ୍ୟା ପାଣ୍ଡେ ଅଭିନୀତ ଲାଇଗର ୨୫ ଅଗଷ୍ଟରେ ସବୁ ସ୍ଥାନରେ ରିଲିଜ ହେବ । ତେବେ ସୋମବାର ଏହାର ହିନ୍ଦୀ ଭର୍ସନ ରିଲିଜ ନେଇ ତାଜା ଅପଡେଟ ଆସିଛି । ସେନ୍ସର ବୋର୍ଡରୁ ୟୁ/ଏ ସାର୍ଟିଫିକେଟ ପାଇବା ପରେ ମେକର୍ସ ୨୪ ଅଗଷ୍ଟରେ ହିନ୍ଦର ଭର୍ସନକୁ ରିଲିଜ କରିବା ପାଇଁ ନିଷ୍ପତି ନେଇଛନ୍ତି । ଏହାର ପରଦିନ ଅନ୍ୟ ସବୁ ସ୍ଥାନରେ ଏହା ଫିଲ୍ମ ହଲରେ ପଡିବ । ପୁରୀ ଜଗନ୍ନାଥଙ୍କ ନିର୍ଦ୍ଦେଶନାରେ ପ୍ରସ୍ତୁତ ଏହି ଫିଲ୍ମ ପ୍ରତି ଦର୍ଶକଙ୍କ ବେଶ ଉତ୍କଣ୍ଠା ରହିଛି । ଆଡଭାନ୍ସ ବୁକିଂ ଭଲ ଥିବାରୁ ଏହା ବକ୍ସ ଅଫିସରେ ଝଡ ସୃଷ୍ଟି କରିବ ବୋଲି ଆଶା କରାଯାଉଛି । ତେବେ ହିନ୍ଦର ଭର୍ସନରେ ଲାଇଗରକୁ ବୟକଟ କରିବା ଟ୍ରେଣ୍ଡ ଧରିଛି । ହିନ୍ଦୀରେ ମଧ୍ୟ ଏହାର ଆଡଭାନ୍ସ ବୁକିଂ ସେତେଟା ଉତ୍ସାହଜନକ ରହି ନାହିଁ । ଦେବରକୋଣ୍ଡାଙ୍କ ଏହା ପ୍ରଥମ ପ୍ୟାନ ଇଣ୍ଡିଆ ଫିଲ୍ମ ହେବ । ସେ ମଧ୍ୟ ଫିଲ୍ମର ସଫଳତା ନେଇ ଦୃଢ଼ ଆଶାୟୀ ଅଛନ୍ତି । ଉଭୟ ବିଜୟ ଏବଂ ଅନନ୍ୟା ଫିଲ୍ମର ପ୍ରମୋଶନରେ ଜୋରସୋରରେ ଲାଗି ପଡିଛନ୍ତି ।