ଅମ୍ରିତସର: ପାକିସ୍ତାନରେ ଜେଲରେ ବନ୍ଦୀ ରହି ଅକଥନୀୟ ଅତ୍ୟାଚାର ସହିଥିବା ସରବଜିତ ସିଂଙ୍କ ପତ୍ନୀ ସୁଖପ୍ରୀତ କୌର ଆଜି ସଡକ ଦୁର୍ଘଟଣାରେ ମୃତ୍ୟୁବରଣ କରିଛନ୍ତି । ସୁଖପ୍ରୀତ ତାଙ୍କ ଝିଅ ସ୍ୱପ୍ନଦୀପଙ୍କୁ ଭେଟିବା ପାଇଁ ଜଣେ ପଡୋଶୀଙ୍କ ସହ ମୋଟର ସାଇକେଲରେ ଯାଉଥିଲେ । ରାସ୍ତାରେ ଦୁର୍ଘଟଣା ଘଟିବା ଯୋଗୁ ତାଙ୍କ ମୃତ୍ୟୁ ଘଟିଥିଲା । ତାଙ୍କ ପରିବାରବର୍ଗଙ୍କଠାରୁ ମିଳିଥିବା ତଥ୍ୟ ଅନୁସାରେ ସେ ବାଇକରେ ପଛରେ ବସିଥିବା ବେଳେ ହଠାତ ତଳେ ପଡି ଯାଇଥିଲେ । ସେଠାରୁ ତାଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନା ନିଆ ଯାଇଥିଲେ ମଧ୍ୟ ବଂଚାଇବା ସମ୍ଭବପର ହୋଇ ନ ଥିଲା ।
ମଙ୍ଗଳବାର ତାଙ୍କ ଅନ୍ତିମ ସଂସ୍କାର ଭିଖିୱିଣ୍ଡରେ କରାଯିବ । ସୂଚନାଯୋଗ୍ୟ, ୧୯୯୦ରେ ନିଶାଗ୍ରସ୍ତ ଅବସ୍ଥାରେ ସରବଜିତ ଭାରତ ସୀମା ଅତିକ୍ରମ କରି ପାକିସ୍ତାନ ପଳାଇଥିଲେ । ସେଠାରେ ତାଙ୍କୁ ପାକିସ୍ତାନ ସେନା ଗୁପ୍ତଚର କାମ କରୁଥିବା ଅଭିଯୋଗରେ ଗିରଫ କରିଥିଲା । ସରବଜିତଙ୍କୁ ବଂଚାଇବା ପାଇଁ ସାରା ଦେଶରେ ଅଭିଯାନ ଚାଲିଥିଲା । ଏପରିକି ତାଙ୍କ ଉପରେ ଫିଲ୍ମ ମଧ୍ୟ ନିର୍ମାଣ ହୋଇଥିଲା । ୨୦୧୩ରେ ପାକିସ୍ତାନ ଜେଲରେ କେତେକ କୈଦୀଙ୍କ ଆକ୍ରମଣରେ ସେ ମୃତ୍ୟୁବରଣ କରିଥିଲେ ।
Comments are closed.