ଗର୍ଭାଶୟ କର୍କଟ ପାଇଁ ଏସଆଇଆଇର ସ୍ୱଦେଶୀ ଟିକା, ଶୁଭାରମ୍ଭ କଲେ ଗୃହମନ୍ତ୍ରୀ

ନୂଆଦିଲ୍ଲୀ: ମହିଳାମାନଙ୍କୁ ଅଧିକ ପ୍ରଭାବିତ କରୁଥିବା ଦ୍ୱିତୀୟ ମାରାତ୍ମକ ରୋଗ ହେଉଛି ଗର୍ଭାଶୟ କର୍କଟ। ଗର୍ଭାଶୟ କର୍କଟ ଭାରତର ମହିଳାମାନଙ୍କ ମଧ୍ୟରେ ଦ୍ରୁତ ଗତିରେ ବଢୁିଥିବା ବିପଦଜନକ ରୋଗରେ ପରିଣତ ହୋଇଛି। ଯାହାକୁ ରୋକିବା ପାଇଁ କେନ୍ଦ୍ର ସରକାର ଖୁବ୍ ଶୀଘ୍ର ସ୍କୁଲ ଗୁଡିକରେ ଟିକାକରଣ କାର୍ଯ୍ୟକ୍ରମ ଆରମ୍ଭ କରିବେ। ଏହି କ୍ରମରେ, ଭାରତରେ ପ୍ରଥମ ଥର ପାଇଁ ମେଡ୍ ଇନ୍ ଇଣ୍ଡିଆ ଗର୍ଭାଶୟ କର୍କଟ ଟିକା CERVAVAC ଟିକା ପ୍ରସ୍ତୁତ କରାଯାଇଛି। ଯାହାକୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଦ୍ୱାରା ଆରମ୍ଭ କରାଯାଇଛି।

ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଅଦର ପୁନାୱାଲା ମଙ୍ଗଳବାର ଦିନ ଏହି ଟିକା ସମ୍ପର୍କରେ ଏକ ଟୁଇଟ୍ କରିଛନ୍ତି ଯେଉଁଥିରେ ସେ କହିଛନ୍ତି ଯେ ଭାରତର ଜାତୀୟ ବାଳିକା ଶିଶୁ ଦିବସ ତଥା ଗର୍ଭାଶୟ କର୍କଟ ସଚେତନତା ମହୋତ୍ସବ ଅବସରରେ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଟିକା ତିଆରି ହୋଇଇଛି। କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ହାତରେ ଭାରତରେ ଏଚପିଭି ଟିକା ଆରମ୍ଭ କରାଯାଇଥିଲା।

ଉଲ୍ଲେଖଯୋଗ୍ୟ, ମହିଳାମାନଙ୍କରେ ଗର୍ଭାଶୟ କର୍କଟ ରୋଗର ବୃଦ୍ଧି ଘଟୁଥିବା ଦୃଷ୍ଟିରୁ କେନ୍ଦ୍ର ସରକାର ୯ ରୁ ୧୪ ବର୍ଷ ବୟସର ବାଳିକାମାନଙ୍କ ପାଇଁ ଟିକାକରଣ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛନ୍ତି। ସ୍କୁଲରେ ଗର୍ଭାଶୟ କର୍କଟ ରୋକିବା ପାଇଁ ବାଳିକାମାନଙ୍କୁ CERVAVAC ଟିକା ଦିଆଯିବ। ଏହା ବ୍ୟତୀତ ଏହି ଟିକା ସ୍ୱାସ୍ଥ୍ୟ କେନ୍ଦ୍ରରେ ମଧ୍ୟ ଉପଲବ୍ଧ ହେବ। ଦି ହିନ୍ଦୁରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ୨୦୨୩ ମଧ୍ୟଭାଗରେ ଦେଶରେ CERVAVAC ଟିକା ଆରମ୍ଭ ହେବ। ଏହି ଟିକାର ମୂଲ୍ୟ ୨୦୦ ଟଙ୍କା ବୋଲି ଉଲ୍ଲେଖ ଥିଲା।

ଆଉ ଏକ ରିପୋର୍ଟ ଅନୁଯାୟୀ, ପ୍ରତିବର୍ଷ ଦେଶରେ ପ୍ରାୟ ୧.୨୫ ଲକ୍ଷ ମହିଳା ଗର୍ଭାଶୟ କର୍କଟ ରୋଗରେ ଚିକିତ୍ସିତ ହେଉଛନ୍ତି। ସୂଚନାଯୋଗ୍ୟ ଯେ ଏହି ବିପଜ୍ଜନକ ରୋଗ ହେତୁ ଭାରତରେ ୭୫ ହଜାରରୁ ଅଧିକ ମୃତ୍ୟୁ ଘଟିଛି।

On the occasion of India's National Girl Child Day and Cervical Cancer Awareness Month, @SerumInstIndia is pleased to launch the first made-in-India HPV vaccine by the hands of our Hon'ble Home Minister Shri @AmitShah Ji. @PrakashKsingh7 pic.twitter.com/jbxs5Emq9Y

— Adar Poonawalla (@adarpoonawalla) January 24, 2023