ବ୍ରହ୍ମପୁର: ଟାଟା ପାୱାର ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ(ଟିପିଏସଓଡିଏଲ୍)ର ଜେନେରାଲ ମ୍ୟାନେଜର ପ୍ରମୋଦ କୁମାର ଚୌଧୁରୀଙ୍କ ଘରେ ଭିଜିଲାନ୍ସ ଚଢ଼ଉ ଜାରି ରହିଛି। ତାଜା ସୂଚନା ମିଳିବା ସୁଦ୍ଧା ତାଙ୍କ ପାଖରେ ୯ଟି ପ୍ଲଟ୍, ଗୋଟିଏ ଫାର୍ମ ହାଉସ, ଗୋଟିଏ ଫ୍ଲାଟ୍, ୩ଟି ବହୁତାଳ କୋଠା ସହିତ ଅମାପ ସମ୍ପତ୍ତି ମିଳିଛି।
ଓଡ଼ିଶା ଭିଜିଲାନ୍ସ ପକ୍ଷରୁ ଏକକାଳୀନ ପୁରୀ ଏବଂ ଗଞ୍ଜାମ ଜିଲାର ୧୦ଟି ସ୍ଥାନରେ ଚଢ଼ଉ ଚାଲିଛି। ଚଢ଼ଉରେ ଜଣେ ଅତିରିକ୍ତ ଏସପି, ୩ଜଣ ଡିଏସପି, ୧୨ଜଣ ଇନ୍ସପେକ୍ଟର ଏବଂ ୧୨ଜଣ ଏସଆଇ ଏବଂ ଏଏସଆଇ ସାମିଲ ହୋଇଛନ୍ତି। ତାଙ୍କ ପାଖରୁ ବ୍ରହ୍ମପୁର ସିଦ୍ଧାର୍ଥ ନଗର ପ୍ରଥମ ଲେନରେ ୨୪୯୦ ବର୍ଗଫୁଟର ଗୋଟିଏ ତିନି ମହଲା କୋଠା, ଗୋପାଳପୁର ନିକଟସ୍ଥ ହରିପୁରରେ ୨୪ଶହ ବର୍ଗଫୁଟର ଗୋଟିଏ ଦୁଇ ମହଲା କୋଠା, ବ୍ରହ୍ମପୁର ଆଙ୍କୁଲିର ଶଶିଭୂଷଣ ନଗର ତୃତୀୟ ଲେନରେ ଗୋଟିଏ ଦୁଇ ମହମଲା କୋଠା, ପୁରୀର ପିପିଲି ଟୋଲଗେଟ୍ ପାଖରେ ଗୋଟିଏ ପ୍ଲଟ୍ ଏବଂ ବ୍ରହ୍ମପୁର ସହର ଉପକଣ୍ଠ ଗଉଞ୍ଜୁରେ ୧ଏକର ୦୫ ଡିସିମଲର ଗୋଟିଏ ଫାର୍ମ ହାଉସ ମିଳିଛି। ଏଥି ସହିତ ୯ଟି ପ୍ଲଟ୍ ବ୍ରହ୍ମପୁର ଏବଂ ଛତ୍ରପୁର ସହର ଆଖାପାଖରେ ମିଳିଛି। ଏତଦ୍ ବ୍ୟତିତ ତାଙ୍କ ପାଖରୁ ୫୫ହଜାର ଟଙ୍କାର ନଗଦ, ଗୋଟିଏ ଚାରି ଚକିଆ କାର୍, ଗୋଟିଏ ତିନି ଚକିଆ ଯାନ, ୩ଟି ଦୁଇ ଚକିଆ ଯାନ ଏବଂ ବ୍ୟାଙ୍କ ଓ ବୀମାରେ ଅନେକ ଟଙ୍କା ଜମା ହୋଇଛି। ତଦନ୍ତ ଚାଲିଥିବା ଯୋଗୁ ମୋଟ ସମ୍ପତ୍ତିର ଆକଳନ ଜାରି ରହିଥିବା ଭିଜିଲାନ୍ସ ତରଫରୁ ସୂଚନା ମିଳିଛି।
BREAKING NEWS
- ନାମାଙ୍କନ ଦାଖଲ କଲେ କେନ୍ଦ୍ରମନ୍ତ୍ରୀ ରାଜନାଥ ସିଂ
- ଓଲଟିଲା ବରଯାତ୍ରୀ ବସ୍, ୪୦ରୁ ଉର୍ଦ୍ଧ୍ୱ ଯାତ୍ରୀ ଆହତ
- ମହୁମାଛି ଆକ୍ରମଣ ରେ ୧୨ ଛାତ୍ରଛାତ୍ରୀ ଆହତ
- ପୋଲିସର ଏନକାଉଣ୍ଟରରେ କୁଖ୍ୟାତ ଅପରାଧୀ ସୁବାସ ଖୁଣ୍ଟିଆ ଗୁରୁତର
- ଆଜିଠୁ ଆହୁରି ଅସମ୍ଭାଳ ହେବ ଗ୍ରୀଷ୍ମପ୍ରବାହ, ହିଟ୍ୱେଭ୍ ନେଇ ୧୫ ଜିଲ୍ଲାକୁ ରେଡ୍ ୱାର୍ଣ୍ଣିଂ
- ରାଜ୍ୟରେ ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ବିଜ୍ଞପ୍ତି ଜାରି, ପ୍ରକାଶ ପାଇଲା ୬ ଲୋକସଭା କ୍ଷେତ୍ରର ନିର୍ବାଚନ ସମୟ
- ଆସନ୍ତା ୩ ରେ ରାୟଗଡ଼ା ଆସିବେ ରାହୁଲ ଗାନ୍ଧୀ, ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
- ଶ୍ରୀଜଗନ୍ନାଥ ତତ୍ତ୍ୱ ଓ ତଥ୍ୟ : ଚକ୍ର ନାରାୟଣ
- କାରକୁ ଧକ୍କା ଦେଲା ପିକ୍ଅପ୍, ୩ ଶିଶୁଙ୍କ ସମେତ ୧୦ ଜଣଙ୍କ ମୃତ୍ୟୁ
- ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ଆଜି ପ୍ରକାଶ ପାଇବ ବିଜ୍ଞପ୍ତି