ବଲାଙ୍ଗିର: ସେମାନେ ସାଙ୍ଗ ଥିଲେ । ଖୁବ ଭଲ ସାଙ୍ଗ । ଯୁଆଡେ ଯାଉଥିଲେ, ଯାହା କରୁଥିଲେ ଏକାଠି ହିଁ କରୁଥିଲେ। ବୋଧହୁଏ କେହି କାହାରିକୁ ଛାଡିବେ ନାହିଁ ବୋଲି ପରସ୍ପରକୁ କଥା ଦେଇଥିଲେ । ନିଷ୍ପତ୍ତି ନେଇଥିଲେ ଏକାଠି ଜିଇଁବେ-ଏକାଠି ମରିବେ । ଆଉ ଏହି ନିଷ୍ପତ୍ତିକୁ ବି କରି ଦେଖାଇ ଦେଲେ । କେହି କାହାରିକୁ ଛାଡି ଯିବେନି ବୋଲି ହାତ ଧରାଧରି ହୋଇ ଚାଲିଗଲେ ସବୁଦିନ ପାଇଁ । ଏକ ବସ ଦୁର୍ଘଟଣାରେ ଦୁଇ ବନ୍ଧୁଙ୍କର ମୃତ୍ୟୁ ଘଟିଛି । ଗୋଟିଏ ଦିନରେ ଦୁଇ ଦୁଇଟ ଭେଣ୍ଡିଆ ପୁଅଙ୍କୁ ହରାଇବା ପରେ ଗାଁରେ ଖେଳି ଯାଇଛି ଶୋକର ଛାୟା । ଏମିତି ମର୍ମନ୍ତୁଦ ଦୁର୍ଘଟଣା ଘଟିଛି ବଲାଙ୍ଗିର ଜିଲ୍ଲାରେ ।
ବଲାଙ୍ଗିର ଜିଲ୍ଲା ପାଟଣାଗଡ ପେଟ୍ରୋଲ ପମ୍ପ ନିକଟରେ ଏହି ଦୁର୍ଘଟଣା ଘଟିଛି । ଏକ ଘରୋଇ ବସ ଏକ ବାଇକକୁ ଧକ୍କା ଦେବା ଯୋଗୁ ୨ ସାଙ୍ଗଙ୍କର ମୃତ୍ୟୁ ଘଟିଛି । ମୃତକ ଦ୍ୱୟ ହେଲେ ତୁଷୁରା ଥାନା ନୂଆପଡା ଗାଁର ଆଶୀଷ ମେହେର ଓ ମଳୟ ମନହିରା ।
ମଳୟ ଓ ଆଶୀଷ ପିଲାବେଳୁ ସାଙ୍ଗ । ଗାଁର ସମସ୍ତେ ଏମାନଙ୍କ ବନ୍ଧୁତ୍ୱକୁ ଦେଖିଛନ୍ତି । ଉଭୟେ ସରକାରୀ ଚାକିରି ବି କରନ୍ତି । ଆଶିଷ ଗୁଡଭେଲା ଅଂଚଳର ଏକ ଡାକଘରେ ଚାକିରୀ କରୁଥୁବା ବେଳେ ମଳୟ ତୁଷୁରା ସମବାୟ ସମିତିରେ ଚାକିରୀ କରୁଥିଲେ ।
ଗତକାଲି ଦୁଇ ସାଙ୍ଗ ଏକ ବାଇକରେ ଘରୁ ବାହାରି ପାଟଣାଗଡ଼ର ଏକ ବିବାହ କାର୍ଯ୍ୟରେ ଯୋଗଦେବା ପାଇଁ ଆସୁଥିଲେ । ରାମପୁର ପେଟ୍ରୋଲ ପମ୍ଫ ନିକଟରେ ପାଟଣାଗଡ଼ ପଟୁ ଭୁବନେଶ୍ୱର ଯାଉଥୁବା ଜୟ ମାତାଦି ନାମକ ଏକ ଘରୋଇ ବସ ସହ ବାଇକର ମୁହାଁମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ହିଁ ଦୁହିଁଙ୍କ ମୃତ୍ୟୁ ଘଟିଥିଲା । ପଂଚନାମା ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯାଇଛି
BREAKING NEWS
- ପୁଣି କୋର୍ଟର ଦ୍ବାରସ୍ଥ ହେଲେ କେଜ୍ରିଓ୍ବାଲ
- ରାଉଲକେଲା ଷ୍ଟିଲ୍ ପ୍ଲାଣ୍ଟରେ ଗ୍ୟାସ ଲିକ୍: ୮ ଜଣ ଗୁରୁତର
- ଆଇସିସି ଟି୨୦ ବିଶ୍ୱକପ ଶ୍ରେଷ୍ଠ ଏକାଦଶରେ ଭାରତର ୬ ଖେଳାଳି
- ବାତ୍ୟା ଯୋଗୁ ବାର୍ବାଡୋସରେ ଫସିଛନ୍ତି ଭାରତୀୟ କ୍ରିକେଟ ଟିମ
- ପ୍ରକାଶ ପାଇଲା ନିଟ୍ ୟୁଜି ସଂଶୋଧିତ ମେଧା ତାଲିକା
- ଭାରତୀୟ ନ୍ୟାୟ ସଂହିତାରେ ଭୁବନେଶ୍ବରରେ ରୁଜ୍ଜୁ ହେଲା ପ୍ରଥମ ମାମଲା
- ମିଳିଲା ଆଶ୍ୱସ୍ତି, କମିଲା ଏଲପିଜି ସିଲିଣ୍ଡର ଦର
- ସଫଳ ମହିଳା ଉଦ୍ୟୋଗୀ : କଳ୍ପନା ସରୋଜ
- ଆଜି ପ୍ରଥମ ଦରବାର, ଜନତାଙ୍କ ଅଭିଯୋଗ ଶୁଣୁଛନ୍ତି ମୁଖ୍ୟମନ୍ତ୍ରୀ
- ମୃତ ସ୍ତ୍ରୀକୁ ଡାକ୍ତରଖାନାରେ ଛାଡ଼ି ସ୍ବାମୀ ଫେରାର