ନିଆଳି: କଟକ ଜିଲ୍ଲା ନିଆଳି ବ୍ଲକ ଅନ୍ତର୍ଗତ ଏକ ଗାଁର ଜଣେ ଯୁବତୀଙ୍କୁ ବିଜେଡି ବିଧାୟକ ପ୍ରମୋଦ କୁମାର ମଲ୍ଲିକ ଅଞ୍ଚଳର ବିକାଶ ନେଇ ପ୍ରଶ୍ନ କରିବାରୁ ସେ ତାଙ୍କୁ ଅଶାଳୀନ ମନ୍ତବ୍ୟ ଦେଇଥିବା ଅଭିଯୋଗ ହୋଇଛି। ନିଆଳି ବ୍ଲକ ଅନ୍ତର୍ଗତ ଦୋପାଟିତୋଟା ଗ୍ରାମରେ ସ୍ୱାଧୀନତା ସଂଗ୍ରାମୀ କନ୍ଦୁଡ଼ି ଚରଣ ମଲ୍ଲିକଙ୍କ ୧୦୦ତମ ଜୟନ୍ତୀ ପାଳନ ନିମନ୍ତେ ଆୟୋଜିତ ଏକ ସାଧାରଣ ସଭାରେ ମୁଖ୍ୟ ଅତିଥି ଭାବେ ପ୍ରମୋଦ ମଲ୍ଲିକ ଯୋଗ ଦେଇଥିଲେ।
ଏହି ବୈଠକରେ ସ୍ୱର୍ଣ୍ଣଲତା ମଲ୍ଲିକ ନାମକ ଜଣେ ଯୁବତୀ ବିଧାୟକ ପ୍ରମୋଦ ମଲ୍ଲିକଙ୍କୁ ଅଞ୍ଚଳରେ ହୋଇଥିବା ବିକାଶମୂଳକ କାମ ସମ୍ପର୍କରେ ପ୍ରଶ୍ନ କରିଥିଲେ। ଯାହାକି ବିଜେଡି ନେତାଙ୍କୁ ଅଡୁଆରେ ପକାଇ ଦେଇଥିଲା ଏବଂ ସମ୍ପୂର୍ଣ୍ଣ ସର୍ବସାଧାରଣରେ ସେ ଯୁବତୀଙ୍କ ପାଇଁ ଅଶାଳୀନ ଶବ୍ଦ ବ୍ୟବହାର କରିଥିବା ଅଭିଯୋଗ ହୋଇଛି। ଏପରି ଯୁବତୀଙ୍କୁ କହିଥିଲେ ତାଙ୍କର କି ଇଜ୍ଜତ ରହିଛି।
ସ୍ୱର୍ଣ୍ଣଲତା କହିଛନ୍ତି ଯେ ଜଣେ ନାଗରିକ ଭାବେ ନେତାଙ୍କୁ ପଚରାଉଚରା କରିବା ତାଙ୍କ ଅଧିକାର। ବିଧାୟକ ଭାବେ ପଚାରିଥିଲେ, ସେ ବିକାଶ ପାଇଁ କ’ଣ କାମ କରିଛନ୍ତି। ଯୁବତୀ ଜଣଙ୍କ ଛିଡ଼ା ହୋଇ ପଚରାଉଚରା କରିବାରୁ ବିଧାୟକ ମଲ୍ଲିକ ରାଗି ଯାଇ ସ୍ଥାନୀୟ କଲେଜ ପ୍ରିନସିପାଲଙ୍କ ସହ ସହ ତୁଳନା କରିଥିଲେ ବିଧାୟକ।
ସ୍ୱର୍ଣ୍ଣଲତା ଆହୁରି ମଧ୍ୟ କହିଛନ୍ତି, ମୁଁ ତାଙ୍କୁ କିଛି ପଚାରିବାର ଯୋଗ୍ୟତା ନାହିଁ ବୋଲି ସେ ମୋତେ କହିଥିଲେ। ମୋ ଜ୍ଞାତସାରରେ ଜଣେ ନାଗରିକ ଭାବେ ବିଧାୟକଙ୍କୁ ପଚାରିବା ମୋର ସାମ୍ବିଧାନିକ ଅଧିକାର।
ଅପରପକ୍ଷରେ ବିଧାୟକ ମଲ୍ଲିକ କହିଛନ୍ତି ଯେ, ମୁଁ କାର୍ଯ୍ୟକ୍ରମ ସାରି ଚାଲିଯିବାକୁ ଚାହୁଁଥିଲି। ଭାଷଣ ଦେଉଥିବା ସମୟରେ ସେ କିଛି ପଚାରିଥିଲେ। ଝିଅଟି କ’ଣ କହିଲା ମୁଁ ଶୁଣି ପାରିଲି ନାହିଁ। ଏପରିକି ସେ କାହା ପାଇଁ କୌଣସି ଅପମାନଜନକ ମନ୍ତବ୍ୟ ଦେଇନାହାନ୍ତି ବୋଲି ସଫେଇ ଦେଇଛନ୍ତି।
Comments are closed.