ପୁରୀ/ଭୁବନେଶ୍ୱର: ଭାରତର ପୂର୍ବତନ ବୈଦେଶିକ ମନ୍ତ୍ରୀ ତଥା ଜନପ୍ରିୟ ବିଜେପି ନେତ୍ରୀ ସୁଷମା ସ୍ୱରାଜଙ୍କ ମଙ୍ଗଳବାର ଦିନ ଦେହାନ୍ତ ହେବାପରେ ବୁଧବାର ଦିନ ତାଙ୍କର ଅନ୍ତିମ ସଂସ୍କାର ସମ୍ପନ୍ନ ହୋଇଛି । ସୁଷମାଙ୍କ ପରଲୋକ ସମଗ୍ର ଦେଶବାସୀଙ୍କୁ ସ୍ତବ୍ଧ କରିଦେବା ସହିତ ଦେଶବାସୀ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । 
ନୂଆଦିଲ୍ଲୀସ୍ଥିତ ଲୋଧୀରୋଡ୍ ବିଦ୍ୟୁତ ଶ୍ମଶାନଘାଟରେ ହିିନ୍ଦୁ ରୀତିନୀତି ଅନୁଯାୟୀ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି ।
“I was waiting to see this day in my lifetime” What a statement on #Article370 from the Stateswoman!
Tribute to #SushmaSwaraj ji on her untimely demise.
Jai Hind! ??.My SandArt at puri beach. pic.twitter.com/bxWhx45Et2— Sudarsan Pattnaik (@sudarsansand) August 7, 2019
ପଞ୍ଚଭୂତରେ ଲୀନ ହୋଇଯାଇଥିଲେ ମଧ୍ୟ ଭାରତୀୟ ଜନଗଣରେ ସୁଷମା ଅପାଶୋରା ସ୍ମୃତିଟିଏ ହୋଇ ରହିଯାଇଛନ୍ତି ।
ଓଡ଼ିଶାର ଅନ୍ତର୍ଜାତୀୟସ୍ତରର ବାଲୁକାଶିଳ୍ପୀମାନେ ବାଲୁକାକଳାରେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଖ୍ୟାତନାମା ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ସୁଷମାଙ୍କ ଅନ୍ତିମ ଟ୍ୱିଟରେ ସେ କିପରି ୩୭୦ ଧାରା ଉଚ୍ଛେଦ ଲାଗି ଜୀବନବ୍ୟାପୀ ଆଶା ରଖିଥିଲେ ତାହାକୁ ନିଜର ବାଲୁକାକଳାରେ ସ୍ଥାନ ଦେଇଛନ୍ତି । 
ସେହିପରି ଅନ୍ୟତମ ବାଲୁକାଶିଳ୍ପୀ ମାନସ ସାହୁ ସ୍ୱର୍ଗତଃ ସୁଷମା ସ୍ୱରାଜଙ୍କୁ ନିଜର ବାଲୁକା କଳାକୃତିରେ ଅଶ୍ରୁଳ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଜନପ୍ରିୟ ନେତ୍ରୀ ତଥା ପ୍ରଚଣ୍ଡ ବାଗ୍ମୀ ସୁଷମାଙ୍କୁ ମାନସ ନିଜର ସୁନ୍ଦର ବାଲୁକାକଳାରେ ଶ୍ରଦ୍ଧାସୁମନ ଅର୍ପଣ କରିଛନ୍ତି ।
Comments are closed.