କେଉଁ କୁଳର ହେବେ ମୁକୁଲ ରୟ? ଦଳରେ ଅଛନ୍ତି ବୋଲି କହିବା ପରେ ପଶ୍ଚିମବଙ୍ଗ ବିଜେପିରେ ଭିନ୍ନ ମତ

କୋଲକାତା: ପଶ୍ଚିମବଙ୍ଗର ବରିଷ୍ଠ ନେତା ମୁକୁଲ ରୟ ପୁଣିଥରେ ଟିଏମସି ଛାଡି ବିଜେପିରେ ସାମିଲ ହୋଇଛନ୍ତି । ଦିଲ୍ଲୀରେ ଦଳର ଶୀର୍ଷ ନେତାଙ୍କୁ ଭେଟିବା ପରେ ଏକ ପ୍ରେସ କନଫରେନସ ଜରିଆରେ କହିଛନ୍ତି, ସେ ବିଜେପି ଟିକେଟରୁ ବିଧାୟକ ଭାବେ ନିର୍ବାଚିତ ହୋଇଛନ୍ତି। ତେଣୁ ସେ ଦଳରେ ଅଛନ୍ତି।

ହେଲେ ଏହାକୁ ନେଇ ପଶ୍ଚିମବଙ୍ଗ ବିଜେପିର ନେତା ଭିନ୍ନମତ ରଖିଛନ୍ତି। ପଶ୍ଚିମବଙ୍ଗ ବିଧାୟକ ଦଳର ନେତା ଶୁଭେନ୍ଦୁ ଅଧିକାରୀଙ୍କୁ ବିରୋଧୀ ଦଳର ନେତା ଦଳ ବାଛିବା ପରେ ଅସନ୍ତୋଷ ଜାହିର କରି ଟିଏମସି ଫେରିଯାଇଥିଲେ ପୂର୍ବତନ ରେଳମନ୍ତ୍ରୀ ମୁକୁଲ ରୟ। ବିଧାନସଭାରେ ତାଙ୍କ ବିଧାୟକ ପଦ ରଦ୍ଦ କରିବାକୁ ବିଭିନ୍ନ ସମୟରେ ବିଜେପି ଦାବି କରିଛି। ହେଲେ ଶାସକ ଦଳ ଟିଏମସି ଏହାକୁ କୌଣସି ଭାବେ ମ୍ଯାନେଜ କରି ତାଙ୍କୁ ବିଧାୟକ ଭାବେ ରଖିବାରେ ସଫଳ ହୋଇଛି।

ଏବେ କିନ୍ତୁ ସେ ପୁଣିଥରେ ବିଜେପିରେ ସାମିଲ ହୋଇଛନ୍ତି ବୋଲି ଦାବି କରିଛନ୍ତି। ହେଲେ ତାଙ୍କୁ ପଶ୍ଚିମବଙ୍ଗ ବିଜେପି ବ୍ଯାନରରେ ପ୍ରବେଶ କରିବା ନେଇ ମତଭେଦ ଦେଖାଦେଇଛି। ପ୍ରଶ୍ନ ହେଉଛି, ମୁକୁଲଙ୍କୁ  ଦଳରେ ସାମିଲ କରି ଏହି ଗେରୁଆ ପାର୍ଟି ଆଗାମୀ ଦିନରେ କି ଲାଭ ପାଇବ ବା ଲକ୍ଷ୍ଯ ରଖିଛି?

ରାଜ୍ୟ ବିଜେପି ସଭାପତି ତଥା ଲୋକସଭା ସାଂସଦ ସୁକାନ୍ତ ମଜୁମଦାରଙ୍କ ଅନୁଯାୟୀ ରୟଙ୍କ ଦଳରେ ଯୋଗଦେବା ଦଳର ହାଇକମାଣ୍ଡଙ୍କ ନିଷ୍ପତ୍ତି ଉପରେ ନିର୍ଭର କରେ। ମଜୁମଦାର କହିଛନ୍ତି, ସେ ଟିଏମସିରେ ଅସନ୍ତୁଷ୍ଟ ବୋଲି କହିଛନ୍ତି। ବୋଧହୁଏ ସେ ଏବେ ବିଜେପିକୁ ଫେରି ନିଜର ଭୁଲକୁ ସଂଶୋଧନ କରିବାକୁ ଚାହୁଁଛନ୍ତି।

ଅନ୍ୟପକ୍ଷରେ ବିଜେପି ରାଷ୍ଟ୍ରୀୟ ଉପ-ଉପାଧ୍ୟକ୍ଷ ତଥା ଲୋକସଭା ସାଂସଦ ଦିଲୀପ ଘୋଷ ସିଧାସଳଖ ପଚାରିଛନ୍ତି ଯେ ମୁକୁଲ ଦଳକୁ ଫେରିବା ପରେ ସେ ଦଳରେ କଣ କରିବେ? ଲାଗୁଛି ଯେ ସେ ଘରୋଇ ସମସ୍ୟାରୁ ରକ୍ଷା ପାଇବା ପାଇଁ ଦିଲ୍ଲୀ ଆସିଛନ୍ତି ଏବଂ ବର୍ତ୍ତମାନ ସେ ବିଜେପିକୁ ଫେରିବା କଥା କହୁଛନ୍ତି।

ବିଜେପିର ରାଜ୍ୟ କମିଟିର ଅନ୍ୟ ଜଣେ ସଦସ୍ୟ କହିଛନ୍ତି ଯେ ରୟଙ୍କୁ ଦଳରେ ପୁଣିଥରେ ସ୍ୱୀକାର ନକରିବାର ଯୁକ୍ତି ଅନେକ କାରଣ ରହିଛି। ସର୍ବପ୍ରଥମେ, ୨୦୨୧ ବିଧାନସଭା ନିର୍ବାଚନ ପରେ ସେ ଟିଏମସିକୁ ଫେରିବା ପରେ ତାଙ୍କ ବିନା ରାଜ୍ୟରେ ଦଳର ସାଂଗଠନିକ ଗଠନ କରାଯାଇଥିଲା ବୋଲି ସେ କହିଛନ୍ତି। ତେଣୁ, ପୁନର୍ବାର ସେ ଫେରିବା ପରେ ତାଙ୍କୁ କେଉଁ ପଦବୀ ପ୍ରଦାନ କରାଯିବ ସେନେଇ ପ୍ରଶ୍ନ ଉଠାଇଛନ୍ତି।

ଦ୍ୱିତୀୟରେ ରୟ ଜଣେ ବିଜେପି ବିଧାୟକ ହୋଇଥିବାରୁ ତାଙ୍କୁ ଆନୁଷ୍ଠାନିକ ଭାବେ ଦଳକୁ ଫେରାଇ ନିଆଯାଇପାରିବ ବୋଲି ରାଜ୍ୟ କମିଟି ସଦସ୍ୟ କହିଛନ୍ତି। ହେଲେ ଏହା ନିଶ୍ଚିତ ଭାବେ ଦଳର କର୍ମୀଙ୍କୁ ଭୁଲ ବାର୍ତ୍ତା ଦେବ। କାରଣ ସେ କହିଛନ୍ତି, ୨୦୨୧ ବିଧାନସଭା ନିର୍ବାଚନରେ ​​ପରାଜୟ ପରେ ମଧ୍ୟ ଯେଉଁମାନେ ଦଳରେ ଏବେ ବି ସକ୍ରିୟ ଅଛନ୍ତି ସେମାନେ ଏହି ଘଟଣା ପରେ ତାଙ୍କ ମନୋବଳ ଭାଙ୍ଗିଯାଇପାରେ।ଟ

ଏହି ମାମଲାରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି, ମୁକୁଲ ରୟ ନିଜକୁ ବିଜେପି ଦଳର ବିଧାୟକ ବୋଲି ଦାବି କରିଛନ୍ତି, ଏହା ସତ। ସେ ଦିଲ୍ଲୀ ଯିବେ କି କେଉଁଠି କି ଯିବେ ତାହା ତାଙ୍କର ନିଷ୍ପତ୍ତି। କିନ୍ତୁ ତାଙ୍କ ପୁଅ ଶୁଭ୍ରାଂଶୁ ସେ ନିଖୋଜ ହୋଇଥିବା ନେଇ ଏତଲା ଦେଇଛନ୍ତି। ବୋଧହୁଏ ବିଜେପି ତାଙ୍କୁ ଧମକ ଦେଇଛି ତେଣୁ ମୁକୁଲ ବିଜେପି ଫେରିବାକୁ ପ୍ରୟାସ କରୁଥାଇପାରନ୍ତି ବୋଲି ଦିଦି କହିଛନ୍ତି।